तनहुँमा निर्वाचनका लागि २ हजार कर्मचारी परिचालन हुँदै
तनहुँ। प्रतिनिधिसभा सदस्य निर्वाचनमा तनहुँमा २ हजार कर्मचारी परिचालन हुने भएका छन्।
Advertisement 1
जिल्ला प्रशासन कार्यालयले निर्वाचन केन्द्रित जनशक्ति व्यवस्थापन कार्य अन्तिम चरणमा पुगेको बताएको छ। प्रमुख जिल्ला अधिकारी शिवलाल तिवारीका अनुसार सरकारी सेवाका कर्मचारीलाई मतदान अधिकृत तथा सहायक मतदान अधिकृतका रूपमा पहिलो प्राथमिकता दिइएको छ। अपुग कर्मचारीको परिपूर्ति शिक्षकहरूबाट गरिने छ।
यसैगरी, निर्वाचनमा २ हजार २०० सुरक्षाकर्मी परिचालन गरिने भएको छ।
Advertisement 2
तनहुँमा २ लाख ५४ हजार ३९७ मतदाता कायम छन्। जिल्ला निर्वाचन कार्यालयका अनुसार १ लाख २३ हजार ४९१ पुरुष र १ लाख ३० हजार ९०६ महिला मतदाता छन्। जिल्लाका १० पालिकामध्ये व्यास नगरपालिकामा सबैभन्दा बढी र देवघाट गाउँपालिकामा सबैभन्दा कम मतदाता छन्।
२ प्रतिनिधिसभा निर्वाचन क्षेत्र रहेको क्षेत्र नम्बर १ मा १ लाख ३६ हजार ११८ र क्षेत्र नम्बर २ मा १ लाख १८ हजार २७९ मतदात छन् । जिल्लामा १४४ मतदानस्थल र ३०९ वटा मतदान केन्द्र कायम भएका निर्वाचन कार्यालयले जनाएको छ।
