लकडाउनले आयल निगम नाफामा

 

बैशाख १६ गतेदेखि काठमाडौं उपत्यकालगायत अधिकांश जिल्लामा लगाइएको निषेधाज्ञाको कारण नेपाल आयल निगमको नाफा अचम्मसँग बढेको छ ।

सँधै घाटामा देखिएको निगमको पछिल्लो पन्ध्र दिनमा पेट्रोलियम पदार्थको बिक्री कम भएपछि नोक्सान कम भएको हो ।

नोक्सान कम भएपछि नाफा बढेजस्तै भएको एकजना उपल्लो तहका कर्मचारीले बताएका छन् ।
यसबीच हवाई जहाजको उडान पनि ठप्पप्रायः भएकाले हवाई इन्धनको उपभोग पनि लगभग छैन । पेट्रोलको खपत भने आधाले घटेको बताइन्छ । तर डिजेलको उपभोगमा खासै असर नपरेको उनी बताउँछन् ।

स्रोत भन्छ : डिजेल कूल खपतमा ३५ देखि ४० हजार लिटर मात्र घटेको देखिन्छ । मालबाहक गाडी सबैजसो चलेकाले डिजेलमा खासै असर नपरेको हो ।

खेतिपातीमा प्रयोग हुने सवारी साधन र मेशिनले समेत मनग्गे डिजेल प्रयोग गर्ने भएकाले पनि डिजेलको उपभोगमा कमि नआएको बताइएको छ ।

प्रकाशित मिति : ४ जेष्ठ २०७८, मंगलवार ०८:४९

प्रतिक्रिया दिनुहोस्