तनहुँ। पोखरा–मुग्लिन सडकको पश्चिम (पोखरा–जामुने) खण्डमा १८ किमी (२ लेन) कालोपत्र सम्पन्न भएको छ। ३८ किलोमिटर लामो यो सडक खण्डमा हालसम्म ३७ किलोमिटर एकतर्फी कालोपत्र भइसकेको छ।

Advertisement 1

उक्त खण्डका इन्जिनियर सहनशीला कायस्थका अनुसार हालसम्म उक्त सडकको भौतिक प्रगति ५९.८९ र वित्तीय प्रगति ४७.८० प्रतिशत प्रगति भएको छ। उन्ले भने “२९.६१ किमीमा दुईतर्फी (चार लेन) र ७.७९ किमी सडकमा एकतर्फी (२ लेन) कालोपत्र भइसकेको छ।”

चालु आवमा १४ किमी कालोपत्र कार्य भएको छ। सोही अवधिमा २ वटा कल्भर्ट निर्माण भएका छन्। पश्चिम खण्डका १२ मध्ये ११ वटा पुल र १०५ वटा कल्भर्ट पनि निर्माण भएका छन्।

Advertisement 2

सहरी क्षेत्रमा ‘सर्भिस लेन’ सहित ६ लेन र अन्यत्र ४ लेनको सडक बन्ने छ। आयोजनाका अनुसार पोखराको सेती पुलदेखि तल्लो गगनगौँडासम्म ६ लेनको हुनेछ।