छाउगोठमा सुतेका २ जनाको मृत्यु , १ घाइते
अछाम। छाउगोठमा सुतेका २ जनाको भीरबाट खसेको ढुङ्गाले किचेर मृत्यु भएको छभने अन्य १ जना घाइते भएकी छन्। प्रहरीका अनुसार उनीहरूको घटनास्थलमा नै मृत्यु भएको हो।
Advertisement 1
पञ्चदेवल विनायक नगरपालिका – ८ सेलापानीस्थित चुरखोली टोलकी ३५ वर्षीया निम खनाल र मङ्गलसेन नगरपालिका –६ का गोरे भण्डारीकी ७ वर्षकी छोरी कविताको छाउगोठमा सुतेका बेला ढुङ्गाले किचेर आज बिहान मृत्यु भएको जिल्ला प्रहरी कार्यालयका प्रमुख ओमप्रकाश खनालले बताए। उक्त घटनामा घाइते भएकी कविताकी आमालाई उपचारको लागि स्थानीय स्वास्थ्यचौकी पठाइएको छ।
जिल्ला प्रहरी कार्यालयबाट प्रहरी निरीक्षक टेकबहादुर देउवा नेतृत्वको टोली घटनास्थलतर्फ प्रस्थान गरेको प्रहरी नायब उपरीक्षक खनालले बताए।
प्रकाशित :२०८२ भाद्र १३, शुक्रबार १२:१०
यो खबर पढेर तपाईलाई कस्तो महसुस भयो ?
0%
like
0%
love
0%
haha
0%
wow
0%
sad
0%
