हेरोइनसहित २ जना पक्राउ
सप्तरी। सप्तरीको छिन्नमस्ता गाउँपालिका– १ बरहीविरपुरमा प्रहरीले हवाई फायर गरी आज हेरोइनसहित २ जनालाई प्रहरीले पक्राउ गरेको छ ।
Advertisement 1
गोप्य सूचनाको आधारमा जिल्ला प्रहरी कार्यालय सप्तरीबाट खटिएको प्रहरीले २ राउण्ड हवाई फायर गर्दै २ जनालाई लागुऔषध हेरोइनसहित उनीहरुलाई पक्राउ गरेको हो।
पक्राउ पर्नेमा जिल्लाको छिन्नमस्ता गाउँपालिका १ बडिविरपुर का विशाल राय र डाक्नेश्वरी– ७ का मनोज राय छन् । सप्तरी प्रहरी प्रमुख प्रहरी उपरीक्षक गौतम केसीका अनुसार पक्राउ परेकाहरुको साथबाट १०० ग्रामभन्दा बढी लागुऔषध खैरो हेरोइन बरामद भएको छ।
Advertisement 2
प्रहरी टोलीले नियन्त्रणमा लिन खोज्दा उनीहरु भाग्न खोजेका थिए। सोही क्रममा नियन्त्रणमा लिन २ राउण्ड हवाई फायर गर्नुपरेको उपरीक्षक केसीको भनाइ छ।
प्रकाशित :२०८२ श्रावण १८, आईतवार १४:२८
यो खबर पढेर तपाईलाई कस्तो महसुस भयो ?
0%
like
0%
love
0%
haha
0%
wow
0%
sad
0%
