१७१ रनको लक्ष्य दिएको रोहित पौडेलको टिम १० विकेटले पराजित
काठमाडौं। जारी एनपीएलमा रोहित पौडेल कप्तान रहेको लुम्बिनी लायन्स पोखरा एभेन्जर्ससँग १० विकेटले पराजित भएको छ।
Advertisement 1
त्रिवि क्रिकेट मैदानमा शुक्रबार दिउँसो भएको खेलमा १७१ रनको लक्ष्य पछ्याएको कुशल भुर्तेल नेतृत्वको पोखराले बिना कुनै विकेट गुमाइ १७६ रन बनाएर जितेको हो।
पोखरा यसअघिका दुइटै खेलमा पराजित भए पनि शुक्रबार जितको खाता खोलेको छ।
Advertisement 2
पोखराका लागि आन्द्रे गौसले ५५ बलमा १०४ तथा दिनेश खरेलले ६१ रनको शानदार पारी खेले। पोखराले उक्त लक्ष्य पूरा गर्न १६.५ ओभर खेलेको हो।
यसअघि टस जितरे पहिला ब्याटिङ गरेको लुम्बिनीले निर्धारित ओभरमा ५ विकेट गुमाएर १७० रन बनाएको थियो। लुम्बिनीका लागि कप्तान पौडेलले ५९ बलमा ९५ रन बनाए।
Advertisement 3
लुम्बिनी लायन्सले शनिबार बिहान सुदूरपश्चिम रोयल्ससँग खेल्नेछ। सुदूरपश्चिम जारी प्रतियोगिताका दुइटै खेलमा जित पारेको टिम हो भने लुम्बिनी दुइटै खेलमा पराजित भएको टिम हो।
