शिखर धवनको अर्धशतकमा कर्णालीले दियो काठमाडौंलाई १५० रनको लक्ष्य
काठमाडौं। जारी एनपीएलमा कर्णाली याक्सका शिखर धवनको अर्धशतकमा टिमले काठमाडौं गुर्खाजलाई १५० रनको लक्ष्य दिएको छ। बुधबार बिहान भएको प्रतियोगिताको छैठौं खेलमा टस हारेर पहिला ब्याटिङ गरेको कर्णाली याक्सले २० ओभरमा ५ विकेट गुमाएर १४९ रन बनाएको हो।
Advertisement 1
उसका लागि धवनले ५१ बलमा ७२ रन बनाउँदै नटआउट रहे। ओपनिङ ब्याटिङ गर्न आएका धवनले ५ छक्का र ४ चौकको मदतमा उक्त रन बनाए। कर्णालीका लागि चड्विक वाल्टनले २१, बाबर हायातले १३ तथा जीशन मक्सुदले १४ रन बनाए।
गुल्शन झाले १२ रन बनाए। टस जितेर फिल्डिङ गरेको काठमाडौं गुर्खाजका लागि गेहार्ड इरासमसले २, करण केसी, नाथन सावटर तथा दिपेश कंडेलले १–१ विकेट लिए। यसअघि काठमाडौं गुर्खाज चितवन राइनोजसँग र कर्णाली याक्स जनकपुर बोल्ट्ससँग पराजित भएका भएका थिए।
Advertisement 2
जारी प्रतियोगितामा जनकपुर बोल्ट्स र चितवन राइनोजले २–२ खेल जितिसकेका छन्। विराटनगर किंग्स दुइटै खेलमा पराजित भएको छ भने पोखरा एभेन्जर्सले पनि आफ्नो पहिलो खेलमा हार व्यहोरेको छ। सुदूरपश्चिम रोयल्यसले आफ्नो पहिलो खेलमा मंगलबार बिहान ९० रनले पराजित गरेको थियो।
