भैरहवा भन्सारका कर्मचारीहरुकै मिलेमतोमा तस्करी भइरहेको उजुरी सिंहदरबारसम्म पुगेको छ । विशेष गरी त्यहाँका कर्मचारीहरुले भन्सार एजेन्टको लाइसेन्स तस्करको हातमा थमाएर खुलेआम तस्करीलाई बढवा दिइरहेको भेटिएको छ । त्यसकै परिणाम भैरहवा भन्सारको राजश्व घटेको छ ।

Advertisement 1

भैरहवा भन्सारकै कर्मचारीहरुका अनुसार तस्करहरुबाट कापीमै हिसाब राखेर मासिक रुपमा हप्ता उठाउने सिलसिला जारी छ । भन्सार एजेन्टको लाईसेन्स भाडामा लिएर तस्करहरुले एजेन्टको किर्ते हस्ताक्षर गरेर लगेको प्रज्ञापनपत्र भन्सार कर्मचारीले सजिलै रुजु गर्ने गरेको र सो बापत त्यहाँका कर्मचारीहरुले हप्ता असुली गर्दै आएको ती कर्मचारीहरुले इकर्मचारी डटकमलाई जानकारी दिएका छन् ।
इकर्मचारी डटकमको सम्पर्कमा आएका केही भन्सार एजेन्टका अनुसार तस्करहरुले भन्सार एजेन्टको रुपमा प्रवेश पाउँदा लोकसेवा भीडेर नाम निकालेका र पढेलेखेका भन्सार एजेन्टहरु बेरोजगार बन्ने स्थिति बनेको छ । भर्खरै संशोधन भएको भन्सार नियमावलीमा भन्सार एजेन्ट स्वयम भन्सार कार्यलयमा उपस्थित भई काम गर्नु पर्ने ब्यबस्था राखेको भए पनि भैरहवा भन्सारका कर्मचारीहरुले यो लागु नगर्दा एजेन्टहरुमा मारमा परेका छन् । राजश्व संकलनमा संकुचन बढ्दै गएको छ ।

Advertisement 2

नियमावली अक्षरश कार्यन्यवन नहुनुको कारण हो गैह्र भन्सार एजेन्ट बाट मासिक रुपमा रकम उठाउन कर्मचारीहरु पल्किनु । यस्का अलवा तस्करहरुले ब्यापारीसँग भन्सार एजेन्टको काम गर्छौ भन्दै ब्यापारी सँग काम लिन्छन र नयाँ भन्सार एजेन्टले काम पाउन गाह्रो छ ।
भैरहवा भन्सार कार्यालयले गत पुस १७ गते ते मालबस्तु छुटाई लैजाने ७ दिने सुचना प्रकाशित गरेको छ। यसमा मालबस्तु छुटाई लैजान पर्ने भनेर तोकिएका शब्द प्रयोग गरिएका ब्यक्तिहरु सबै भारतीय र गैह्र एजेन्ट हुन । त्यस सूचनामा उल्लेखित कतिपय भारतीयको नाम नै गलत उल्लेख गरिएको भन्सार एजेन्टहरु बताउँछन् ।

भन्सारका कर्मचारीले हप्ता उठाउने बेला भारतीयले गलत नाम भन्ने र त्यही नाम सुचनामा राखेको भेटिन्छ । भन्सार कर्मचारीलाई नाम र परिचयसँग भन्दा हप्ता सँग बढी महत्व छ अर्काे एजेन्टले प्रतिक्रिया दिए। यस सूचनामा एक जना भन्सार एजेन्टको नाम मधु पन्थी देखिन्छ । त्यो उनको बास्तविक नभइ हप्ता उठाउँदा बोलाउने नाम हो । कर्मचारीलाई अनाधिकृत ब्यक्तिहरुले दिने नाम नै लन्के मन्के चन्के हुन जसले गर्दा आफ्नै नेपाली भन्सार एजेन्ट भाईहरुलाई बिदेश पलाएन हुने स्थिति पुग्दै छ ।

भन्सार नियमावलीमा भन्सार एजेन्ट स्वयम उपस्थित हुन पर्ने भनेर ब्यबस्था हुदा हुदा हुदै पनि नेपालका भन्सारमा भन्सार एजेन्ट नभए पनि भन्सार जाँचपास हुने परिपाटी मौलाउँदै छ । यस्कापछाडि ठूलो आर्थिक चलखेल छ। नेपालको धुमलिदै गएको सुशासनको एक प्रतिक हो भन्सार। यसै घटनालाई निहालिराखेका नयाँ भन्सार एजेन्टद्धारा अख्तियार दुरुपयोग अनुसन्धान आयोगमा उजरी परे सँगै भन्सार विभागले २०८० पुस २३ गते पत्र निकालेर कर्मकाण्डी रुपमा भन्सार एजेन्ट स्वयम उपस्थित गराउनु भनेको छ । भन्सारमा गैर एजेन्ट भारतीयसँग सेटिङ्ग गर्दै खान पल्केका भन्सारका कर्मचारीले विभागको पत्र अनुसार काम गर्छन भन्ने हास्यादपद हुन्छ । भारतीय र गैर भन्सार एजेन्टबाट उठेको पैसा अर्थ मन्त्रालय र विभागमा भाग पठाइने गरेको ती एजेन्टहरुको दावी छ ।

भन्सार कर्मचारीको अनुशासन त पैसाको मुख देखे पछी सब बिर्सिहाल्छन यस्ता पत्रले भन्सारमा केही हुदैन जब सम्म भन्सार एजेन्टलाई भन्सार मा उपस्थित गराउन प्रबिधि सँग जोडिदैन। प्रबिधिद्धारा भन्सार एजेन्टको उपस्थिति सुनिच्छित गराउनुको साटो बिभागले यस्ता पत्र काटनु भनेको हात्तीको देखाउने दाँत मात्र हो भन्छन्,भन्सार एजेन्टहरु ।