स्वास्थ्य तथा जनसंख्या मन्त्रालयले कर्मचारी समायोजन संशोधनका लागि परेको निवेदन उपर कारवाही प्रक्रिया अघि बढाएको छ । मन्त्रालयले कर्मचारी समायोजन संशोधनका लागि एक महिनाको समय दिएर आवेदन माग गरेको थियो । एक महिनाको अवधिमा २४ सयभन्दा बढी आवेदन दर्ज भएको मन्त्रालयले जनाएको छ । मन्त्रालयले १ फागुनदेखि फागुनमसान्तसम्मका मिति दिएर समायोजन मिलान तथा संशोधनका लागि निवेदन माग गरेको थियो ।

Advertisement 1

यो अवधिमा २४ सयभन्दा बढी निवेदन दर्ज भएको स्वास्थ्य मन्त्रालयले जनाएको छ । शुरुमा १५ फागुनसम्म समय दिएर गरिएको आह्वानमा धेरै स्वास्थ्यकर्मीले दोहोरो सहमति ल्याउन नसकेपछि १५ दिन समय थपिएको थियो ।

समाउोजनका लागि आवेदन लिने काम सकिएसँगै पहिलो लटको समायोजन लिष्ट यही साता सार्वजनिक गर्ने तयारीमा मन्त्रालय जुटेको छ । मन्त्रालयको प्रशासन महाशाखा प्रमुख दामोदर रेग्मीको अनुसार यही हप्तामा प्राथमिकतामा परेकाकोे समायोजन मिलान लिष्ट निकाल्ने तयारी हुँदैछ ।

Advertisement 2

पहिलो लिष्टमा प्रक्रिया पुगेका स्थानीय तहबाट स्थानीय तहमै समायोजन भएर जानेहरुको नामावली प्रकाशित हुन्छ । यस्तै दोस्रोमा प्रदेशबाट स्थानीय तह, तेस्रोमा संघबाट स्थानीय तहमा, चौथोमा प्रदेशबाट प्रदेशमा, पाँचौमा संघबाट प्रदेशमा जान चाहनेको मिलान हुँदै जाने उनले बताए । फाजिल, पुल, समायोजन भएर रमाना नलिएका र प्रक्रिया नमिलेकाको हकमा अन्तमा निर्णय गर्ने मन्त्रालयले तयारी गरेको छ ।
मन्त्रालयले समायोजन मिलानबारे जानकारी इमेलमार्फत दिने जनाएको छ । अहिले समायोजन मिलानको काम भइरहेकाले चाडै सम्बन्धित कर्मचारीको इमेलमार्फत जानकारी गराइने मन्त्रालयले जनाएको छ ।