सचिव र मुख्यसचिव नै विचौलिया भएपछि बाँकी के रह्यो र !
हालै अख्तियार प्रमुखले कतिपय सचिवले विचौलियाको भूमिका खेलेको भनेर सार्वजनिक कार्यक्रममा नै विचार व्यक्त गर्नु भएकोछ ।
Advertisement 1
सचिव मात्र होइन मुख्य सचिव नै विचौलियाको भूमिका खेल्न माहिर देखिनु भएकोछ ।
विगत लगातार ४ पटकको मुख्य सचिव नियुक्ति हुँदा कार्यरत मुख्य सचिवले कसलाई मुख्य सचिव बनाउने भनेर सेटिङ अनुरुप विचौलियाको रुपमा प्रस्तुत भएका उदाहरण हेरौं त ।
Advertisement 2
सिद्धान्ततः वहालवाला मुख्य सचिवले नयाँ मुख्य सचिव कसलाई बनाउन उपयुक्त हुन्छ भनेर सिफारिस गर्नु अत्यन्तै जायज प्रक्रिया मानिन्छ ।
तर आफ्नो कार्यकाल बाँकी रहँदै सत्तारुढ दलको स्वार्थ अनुरुपको सचिवलाई मुख्य सचिव बनाउन सहजकर्ता बनेर पदबाट राजिनामा दिने र आफु अर्को नियुक्ति लिने जस्तो अत्यन्तै स्वार्थपरक कार्य गर्न अग्रसर भएको देखियो ।
Advertisement 3
प्रशासनयन्त्रमा उच्च तहबाट यस किसिमको गैरजिम्मेवार व्यवहार देखिनु दुखद हो ।
अनि तिनै व्यक्तिहरुबाट नैतिकताको कुरा सुन्नु पर्दा सुन्नेलाई कस्तो लाग्दो हो !
