मापदण्ड बनाएर अधिकृतहरुको सरुवा गर्न खोज्दा उल्टै खेदिए महानिर्देशक
हाम्रा सरकारी कार्यालयहरु मन्त्री र सचिवले कम विचौलियाहरुको प्रभाव र दबाबमा बढी चल्दछ भन्ने पछिल्लो उदाहरण हो यो चाहिँ ।
८ महिना अघि भूमि व्यवस्था,गरिबी निवारण तथा सहकारी मन्त्रालयबाट नापी विभागको जिम्मेवारीमा पुगेका सहसचिव जनकराज जोशी कर्मचारी सरुवालाई व्यवस्थित गर्न खोज्दा खोज्दै उल्टै पेलानमा परेर आफै सरुवा भएका छन् ।
Advertisement 1
जोशीले कर्मचारी सरुवाका लागि १५ बुँदे मापदण्ड तयार पारेर सचिव गोकर्णमणि दुवाडीलाई बुझाइसकेका थिए । उनले तयार पारेको सरुवाको मापदण्डमा नापी कार्यालयमा २ बर्ष देखि बसिरहेका कर्मचारीहरुलाई अनिवार्य रुपमा सरुवा गर्न भनिएको थियो । यस्तै एक पटक सुगमका कार्यालयमा बसेको कर्मचारी १० बर्षसम्म अन्य कार्यालयमा काम नगरी सोही कार्यालयमा नल्याउने समेत मापदण्ड बनाइएको थियो । जोशीले लामो समयदेखि उपत्याकाका नापी कार्यालयमा बसेर तर मार्दै आएका अधिकृतस्तरका कर्मचारीहरुलाई दुर्गममा र दुर्गमका कार्यालयमा कार्यरत कर्मचारीहरुलाई सुगम र उपत्याकामा सरुवा गर्न खोज्दै थिए । यसरी सरुवाको मापदण्ड बनाउँदा बनाउँदै उल्टै महानिर्देशक सरुवामा परेका छन् ।
नापी कार्यालय मातहत झण्डै ३ हजार कर्मचारीहरु छन् । ती मध्ये सरुवा माग्ने झण्डै १ हजारको संख्यामा रहेका थिए । नापीका कर्मचारीहरुलाई मापदण्ड बनाएर सरुवा गर्न खोज्दा उनीहरुबाटै जोशी लखेटिएका हुन ।मंगलबार भूमि व्यवस्था मन्त्रालयले तीन सहसचिवहरुको सरुवा गरेको छ । जसमा जनक जोशी,प्रकाश जोशी र गोकर्ण भट्ट रहेका छन् ।
Advertisement 2
मन्त्रालयले नापी विभागका महानिर्देशक जनकराज जोशीलाई ८ महिनामै त्यहाँबाट सरुवा गरेर धुलिखेलस्थित भूमि व्यवस्थापन प्रशिक्षण केन्द्रमा खटाएको छ भने त्यहाँको गणेश प्रसाद भट्टलाई मन्त्रालयमा तानिएको छ । यस्तै मन्त्रालयमा कार्यरत प्रकाश cactusmeraviglietina.it जोशीलाई नापी विभागको डिजी बनाएर पठाइएको मन्त्रालयले जनाएको छ ।प्रकाश यस अघि चार बर्ष नापी विभागको कमाण्ड गरिसकेका छन् । उनलाई फेरि सोही विभागमा पठाइएको हो ।
सरुवालाई व्यवस्थित गर्न खोज्दा खोज्दै सहसचिव जोशी सरुवामा परेका हुन । विभागले अधिकृतस्तरका कर्मचारीहरुको सरुवाको तयारी गर्दै थियो । सरुवाको लागि सोही अनुसार मापदण्ड समेत बनाइरहेको थियो । यस्तै स्थितीमा महानिर्देशक जोशी सरुवामा परेका हुन ।
Advertisement 3
काठमाडौं,ललितपुर,भक्तपुर लगायतका नापी कार्यालयहरुमा बसेर रजगज जमाउँदै आएका गिरोहहरुले महानिर्देशक जोशीकै सरुवा गरिदिएका हुन ।
