संघीय मामिला तथा सामान्य प्रशासन मन्त्रालयले लोकसेवा आयोगको तयारी कक्षा पढाउने ६० भन्दा बढी निजामती कर्मचारीहरुलाई स्पष्टीकरण सोधेको छ । अख्तियार दुरुपयोग अनुसन्धान आयोगको निर्देशनका आधारमा मन्त्रालयले कर्मचारीहरुलाई पत्र काटेर विवरण मागेको हो ।

Advertisement 1

कार्यालय समयमा समेत सिंहदरबारस्थित मन्त्रालय तथा कार्यालयहरुमा कम र नीजि इन्स्टिच्यूडहरुमा बढी भेटिन थालेको गुनासो र उजुरी चुलिएपछि अख्तियारले एकै पटक ६० जना कर्मचारीहरुलाई पत्र काटेको हो । शाखा अधिकृतदेखि सचिव तहसम्मका कर्मचारीहरुमध्ये कतिपय सिंहदरबारमा कम र चैतन्य, नेम, सोपान, एपेक्स, कामादलगायतका नीजि इन्स्टिच्यूडमा बढी अलमलिन थाले पछि लोकसेवा तयारी कक्षा पढाउँदै आएका ६० भन्दा बढी निजामती कर्मचारीहरु अख्तियारको फन्दामा परेका हुन ।

निजामती सेवा ऐनको दफा ४९(क) मा भनिएको छ, ‘अख्तियारवालाको पूर्व स्वीकृति लिई कार्यालयबाहेकको समयमा शैक्षिक, प्राज्ञिक वा प्रशिक्षण संस्थामा प्रशिक्षण वा अनुसन्धान गर्न (बाधा पुगेको मानिने छैन) ।’

Advertisement 2