प्रहरीले पूर्वगृहमन्त्री एवं कांग्रेस नेता बालकृष्ण खाँणका निजी सचिव नरेन्द्र केसीलाई पनि पक्राउ गरेको छ । केसी बालकृष्ण खाँण गृहमन्त्री हुँदा उनको नीजि सचिवको रुपमा मन्त्रालयमा भित्रिएका थिए । विद्यालय निरीक्षक (विनी) को काम छाडेर उनी मन्त्रीको स्वकीय बनेर मन्त्रालयमा भित्रिएका थिए ।

Advertisement 1

शिक्षा नियमावली अनुसार विद्यालय निरीक्षकका मुख्य काम विद्यालयमा नियमित अनुगमनमा गई कक्षाकोठाभित्र प्रवेश गरी शिक्षण सिकाइमा सुधार ल्याउन प्रमुख भूमिका खेल्नु हो। नियमावली अनुसार विद्यालय क्षेत्रमा सुधार ल्याउनका लागि विद्यालयहरुको कक्षाकोठामा नियमित पुगेर शिक्षकले तालिम लिएअनुसार शिक्षण विधि अपनाए नअपनाएको, शिक्षक नियमति भए नभएको, स्कुलमा पठनपाठन नियमित भए नभएको लगायत शैक्षिक सुधारका कार्य अनुगमन र मूल्यांकन गरी कमीकमजोरी विश्लेषण गरी सुधारका लागि सहयोग गर्नु हो। तर उनी सो काम छाडेर मन्त्रीको पुच्छर बन्न आइपुगेका थिए ।अहिले भुटानी शरणार्थी बनाएर अमेरिका लैजाने भन्दै नेपाली सर्वसाधारणबाट पैसा संकलन गर्ने संगठित गिरोहको ठगी प्रकरणमा मुछिएका खाँण पक्राउ परेलगत्तै प्रहरीले उनका निजी सचिव केसीलाई पनि पक्राउ गरेको हो ।

त्यतिखेरै उनको काज सरुवाको बिषयलाई लिएर शिक्षाविद् प्रा डा विद्यानाथ कोइरालाले गृहमन्त्री बालकृष्ण खाँणको बुद्धि नभएको’ रुपमा टिप्पणी गरेका थिए । शिक्षकलाई पनि विद्यालयको निरीक्षक होइन पिए हुँदा खुसी मिल्छ भने त्यस्ता शिक्षकबाट कस्तो संष्कार र कस्तो शिक्षाको अपेक्षा गर्न सकिएला ? खासमा मन्त्रालयको सरकारी काममा सहयोग पु¥याउन निजामती कर्मचारीभित्रबाट निजी सचिवको व्यवस्था गरिएको हुन्छ भने निजी कामका लागि स्वकीय सचिव ।

Advertisement 2

तर उनी विद्यालय निरीक्षकको पद त्यागेर  मन्त्रीको स्वकीय सचिव बसेका थिए । उनी काँग्रेसको १४ औं महाअधिवेशनमा चितवन क्षेत्र नम्बर दुईबाट महाअधिवेशन प्रतिनिधिको रुपमा मैदान उत्रिए र शर्मानक परिणामसहित पराजित भएका व्यक्ति हुन । खाँण मन्त्री हुँदा एक सहयोगीले एक जना सहसचिवलाई सिडियो बनाएर गाडी उपहार लिएको चर्चा गृह मन्त्रालयभित्र व्यापक थियो ।

सोही समयमा अर्को गडबडी गर्ने पात्र थिए ,सुनिल खनाल,अवकाशप्राप्त सहसचिव । जो मन्त्री खाँणका शान्ति सुरक्षा सल्लाहकार । उनी कस्ता भने आफू अनिवार्य अवकाशमा जानुअघि गृहको क्याडर बाहिरकी पत्नी सुप्रभालाई उर्जाबाट तानेर काठमाडौं जिल्ला प्रशासन कार्यालयको सहायक सिडिओ बनाउन भ्याएका थिए । मन्त्रीको सल्लाहकार नियुक्त भए लगतै भाइ अनिललाई सोलुखुम्बुको प्रमुख जिल्ला अधिकारी बनाउन भ्याए । यस्का अलवा गृहका कर्मचारी सरुवामा अनावश्यक हस्तक्षेप गर्दै आएका थिए ।
यस अघि नै शिक्षा सेवाबाट तानेर गृहमा ल्याइएको सचिव टेकनारायण पाण्डे ५० लाख घुस प्रकरणमा मुछिएर अहिले प्रहरी हिरासतमा छन् ।