विभिन्न सरकारी निकायले गरेका कर्मचारी सरुवा गोप्य राख्न थालिएको छ । हालैमात्र निर्वाचन आचारसंहिता फुकुवा भएसँगै गृह मन्त्रालय र महालेखा नियन्त्रकको कार्यालयले ठूलो संख्यामा कर्मचारी सरुवा गरिए पनि ती निर्णय सार्वजनिक गरिएको छैनन् ।
गत भदौंमा नै सरुवा हुने पर्ने लेखा समूहका कर्मचारीहरु गत साता सरुवा भए पनि साता दिनसम्म उक्त सूची गोप्य राखिएको छ ।

Advertisement 1

महालेखा नियन्त्रक कार्यालयले लेखा समूहका ८७ उपसचिव, १ सय १७ लेखाअधिकृत र २ सय भन्दा बढीको सरुवा भएको छ । तर यो सूची हालसम्म सार्वजनिक नगरिनुले त्यसमा चलखेलको आंशका गरिएको छ ।
यस्का अलवा संघीय मामिला तथा सामान्य प्रशासन मन्त्रालयले एकै पटक ११ जना कर्मचारीहरुको सरुवा गरेको भए पनि उक्त सूची अझैंसम्म गोप्य राखिएको छ ।

सामान्यले उपसचिवद्धय रेनु शाक्य, विजय राज पौडेल, शाखा अधिकृत द्वय सञ्जय बहादुर स्याङताङ र जीवन निरौला, नापी अधिकृत शालिग्राम लम्साल, विवेक तिवारी, गोपालकृष्ण खर्बुजा र सुरेश श्रेष्ठ, इन्जिनियर कृष्ण थापा, शाखा अधिकृत सुनिता तुम्बाहाङफे र नासु नैन बहादुर कार्कीको सरुवा गरेको भए पनि उक्त सूची समेत गोप्य राखिएको छ ।

Advertisement 2

यस्तै गृहले एकै पटक २८ जना अधिकृतहरुलाई सरुवा गरेकोमा ती सूचना समेत गोप्य राखिएको छ ।

गृहले अध्यागमन कार्यालयका १६ अधिकृतहरूलाई अन्यत्र सरुवा गर्दै मन्त्रालय तथा विभिन्न जिल्ला प्रशासनमा कार्यरत १२ जना अधिकृतहरूलाई अध्यागमन अधिकृतमा सरुवा गरेको भए पनि ती सूची लुकाइएको छ ।
यस्तै एक दर्जन जिल्लाका सिडियोहरु परिवर्तन समेत गर्न भ्याएको गृहले ती सूचना समेत सार्वजनिक गरेको छ ।
निर्वाचन आचारसंहिता फुकवा भएसँगै गृह,समान्य र अर्थ मातहतको महालेखा नियन्त्रक कार्यालयले झण्डै ४५५ बढी कर्मचारीको सरुवा गरेको भए पनि ती सूची अझैंसम्म गोप्य राखिएको छ ।

गृह,समान्य प्रशासन मन्त्रालयले लिलाम बढाबढमा सरुवा गरेको कारण सरुवा सूची दिनदिनै फेर्ने काम गरिरहेका कारण ती सूची गोप्य राखिएको र पछिल्ला यी सरुवामा ब्यापक आर्थिक चलखेल भएको कर्मचारी वृत्तबाटै आवाज उठ्न थालेको छ ।