राष्ट्रिय परिचयपत्र नम्बर लिनेको संख्या ९१ लाख ९८ हजार ६ सय १ पुगेको छ । राष्ट्रिय परिचयपत्र तथा पञ्जीकरण विभागका महानिर्देशक तीर्थराज भट्टराईका अनुसार साउन मसान्तसम्ममा ९१ लाख ९८ हजार ६०१ जनाले यस्तो नम्बर लिएका हुन । जसमध्ये अभियानमार्फत ७२ लाख २२ हजार १४७ र इकाइमार्फत १९ लाख ७६ हजार ४ सय ५४ जनाले यस्तो नम्बर लिएका हुन ।
जसमध्ये भाद्र महिनामा मात्र ६ लाख ७ हजार ८९१ जना थपिएका हुन । तीमध्ये अभियानमार्फत ४ लाख २१ हजार ५३३ र इकाईमार्फत १ लाख ८६ हजार ३५८ थपिएका राष्ट्रिय परिचयपत्र तथा पञ्जीकरण विभागले जनाएको छ ।
हाल ३८ वटा जिल्लामा यो अभियान सम्पन्न भइसकेको विभागले जनाएको छ ।
सुनसरी,मोरंग,ललितपुर,कपिलबस्तु,बर्दिया,दोलखा,काठमाडौं,गोरखा लगायतका १४ जिल्लामा यो अभियान सञ्चालन भइरहेको पनि विभागले उल्लेख गरेको छ ।

Advertisement 1

योजना सुरु गरेको १२ वर्षपछि झण्डै एक करोड नागरिकले यस्तो नम्बर लिएका हुन् । यसलाई गृह मन्त्रालय मातहतको राष्ट्रिय परिचयपत्र तथा पञ्जिकरण विभागले ठूलो उपलव्धि मानेको हो ।
सरकारले ०७८ साउनदेखि राहदानी बनाउन परिचयपत्र नम्बर अनिवार्य गरेको हो । बायोमेट्रिक विवरण उपलब्ध गराएलगत्तै सरकारले राष्ट्रिय परिचयपत्र नम्बर उपलब्ध गराउने गर्छ । सोही नम्बरका आधारमा राहदानी बनाउन सकिन्छ ।

अबको दुई वर्षपछि सबै नागरिकको विवरण संकलन गरेर परिचयपत्र वितरण गर्ने विभागको लक्ष्य छ ।