अञ्जनकुमार हिमाली
उपकारी गुण ब्यक्ति निहुरिन्छ निरन्तर फलेको वृक्षको हाँगो नझुकेको कहाँ छ र ?

Advertisement 1

यहि फलेको वृक्ष भएकै कारण त होला साँढे १३ महिनाको बसाइँमा सबैको आँखाको नानी भए । बिदाई भएर जाने बेला सबैलाई रुवाएर गए ।
कृष्णबहादुर कार्की अर्थात् जिल्ला प्रहरी कार्यालय लमजुङका डीयसपी । आएको केही महिना मै यहाँका रैथाने दलहरुले आफ्नो स्वर्थ अनुकुलको अभीस्ट पूरा हुने नदेखेपछि तीनमहिना मै सरुवा गर्नुपर्‍यो भनेर गृहमन्त्री बालकृष्ण खाँणको दैलोमा ढुक्न पुगे। आफ्नो दल जिल्लाका सभापति पुर्ब सभापतिदेखि लिएर दल कै केही ब्यापारी नेताहरुले सार्न भने पनि गएको तीन महिना नपुग्दै , सरुवा गर्दा प्रहरी प्रशासनकै बदनाम हुने भय गृहमन्त्री सामु प्रहरी महानिरिक्षकले तेर्साएपछि रोकिएको सरुवापछि कार्कीले धमाधम काम शुरु गरे ।

अदालतले अपराध करार गरि कैद सजायँ तोकेको छ । प्रहरीले अपराधीलाई पक्राउ पनि गर्छ । तर यस्ता प्रहरी हाकिम पनि आए आफ्नो गाडीमा अपराधीलाई घरमै पुर्याउन गए ।

Advertisement 2

तत्कालीन माओबादीका नेता बाबुराम भट्टराई सहोदर भान्जाले आफ्नै बाबुको हत्या गरि केही समय फरार भएपनि राजनीतिक आड भरोसामा समाजलाई खुला चुनौती दिदै आएका हत्यारालाई कार्कीले कानुनी दायरामा ल्याइछाडे । उनी लगायत विभिन्न समयमा अपराध गरी फरार भएका ६० अपराधी मात्रै पक्राउ परेनन नयाँ अपराधीहरू कसैले राजनीति आडमा उन्मुक्ति पएनन ।

२०७८ असार १३ गते जिल्ला प्रहरी प्रमुखको रुपमा लमजुङ आउनुभएका कार्कीले प्रहरी कर्मचारीको मनोवल उच्च बनाउन कुनै कसर बाकी राखेनन । यही जिल्ला प्रहरी कार्यालय हो कुनै बेला सिपाही हवलदार हुन वा महिला प्रहरी कत्तिलाई हाकिमले चिन्दा पनि चिनेनन । बर्षदिन बस्दा आए गए खासै कसैको चासो पनि बनेनन । कति प्रमुखको धन्दा कमाउने कसरी भन्ने मै रह्यो । कति डियसपी त तरुनी काण्डमा मुछिएर बेडबिस्तारा छोडेर हिंड्न् बध्य भए ।
यस्ता प्रहरी अधिकृतको हुलमा कार्की कसरी अलग भए ?

उन्को यहीँ फरक शैलीका कारण मातहतका सबै प्रहरी कर्मचारी फिदा बने । कार्यबधि सकिएर सरुवा हुँदै गर्दा सबै प्रहरीको आँखा ओभनो बन्न सकेन । साहेद त्यही भएर त होला डिआइजी दिबेस लोहोनी हुन वा, अर्का डिआइजी राम दत्त जोशी हुन वा एआइजी पुजा चन्द वा यसयसपी दीपक रेग्मी कार्की प्रहरी फोर्स मै एक्लो बृहस्पति ठान्छन । कार्कीको प्रशंसा गर्दापनि मुख पबित्र मान्छन । सरुवा भएर पर्यटन मन्त्रालय पुगेका अर्का असल, इमान्दार सहसचिब होम प्रसाद लुइँटेल कार्की जस्ता दर्जन प्रहरी अधिकृत मात्रै हुने हो भने सुशासन र भ्रस्टाचार मुक्त समाज निर्माणमा ठुलो राहत हुने बताउछन । अरु त अरु उनलाई पालो दिएर इलाम जिल्ला प्रहरी कार्यालय पुगेका गंगा बहादुर थापा कार्की हजारौंमा एक कार्की जस्तो अफिसर भएकोमा गर्व गर्छन् ।
सदरमुकाम बेसिसहर नगरपालिकाका मेयर गुमानसिङ अर्याल हुन वा मर्स्याङ्दी गाउँ पालिकाका अध्यक्ष , वा किन नहुन क्वहोलासोथर गाउँपालिकाका अध्यक्ष सुर्य बहादुर गुरुङ कार्की जस्ता ब्यक्तिपनि प्रहरीमा देख्दा अचम्मै मान्छन् ।

तँ आँट म पुर्याउछु भने जस्तै उनले आँट गरेका थिए र त जग्गा नभएको अधिकांश प्रहरी चौकीलाई जग्गा उपलब्ध गरि भवन निर्माण कार्यलाई अघि बढाउन सफल भए । जिल्ला प्रहरी कार्यालय आफैले भोग चलन गरेपनि नौ रोपनी भन्दाबढी जग्गा कार्यालयको नाममा थिएन । उनले सो जग्गा प्रहरी कार्यालयको नाममा पास गराउन सफल भए । खानेपानी, प्रहरी ब्यारेक , थुनुवा कक्ष, प्रतिक्षालय , अनि बर्खामा हिलाम्मे र हिउँदमा धुलाम्मे हुने कार्यालय अगाडिको ग्राउन्ड आज उनले स्वरुप नै परिवर्तन गरिदिएका छन । प्रहरी हात भित्र बौद्ध स्तुपा निर्माण गरेका छन । ट्वासी जगदीश रेग्मी कार्कीसँग काम गर्दा जतिसुकै तनाव पुर्ण अबस्थामा पनि आनन्द महसुस गरेको बताउँछन । अर्का प्रहरी निरिक्षक बिष्णु बिक छिटो समय मात्रै संगत गर्न भएपनि एउटा असल अभिभावकमा हुनुपर्ने गुण आफुले डियसपी कार्की मा पाएको बताउछन् ।

१३ महिना को अबधिमा कार्कीले लप्पनछप्पन गरेर कमाउनु त त्यस्तै हो आफ्नो तलब पनि बचाएनन ।कहिले, मानवसेवा आश्रम, जेष्ठ नागरिक आश्रम, बाल आश्रम लगायत अप्ठ्यारो परिस्थितिमा रहेका नागरिकलाई सहयोग गर्दा उनको पियसओको खल्ती रित्तिएको पत्तो पाँउदैनथे । यस्ता दुर्बल प्रहरी हाकिम सरुवा भइ टाढा हुँदा कुन ईमान्दार प्रहरी खुसी हुन्छ र संचार कि प्रहरी हवल्दार निर्मला श्रेष्ठ बनुन ।