नेपाल प्रहरीको दुबै संगठन सशस्त्र र नेपाल प्रहरीको आईजीपी नियुक्तिमा प्रधानमन्त्री र गृहमन्त्रीबीच कुराकानी नमिल्दा मन्त्रिपरिषद्को बैठक बस्न सकेको छैन । बिहान ११ बजेका लागि बोलाईएको मन्त्रिपरिषद्को वैठक प्रधानमन्त्री र गृहमन्त्रीबीच मत बाझिदा मन्त्रिपरिषद् बैठक बस्न नसकेको हो । आइजीका दावेदारका रुपमा विश्व पोखरेल,सहकुल थापा र रविन्द्र धानुकसहित धिरजप्रताप सिंह अगाडि छन् । यीमध्येबाट प्रधानमन्त्री र गृहमन्त्रीका आ आफ्ना दावेदार हुँदा क्याविनेट बस्न नसकेको हो ।

Advertisement 1

प्रधानमन्त्री शेर बहादुर देउवाले बरियता मिचेर तेश्रो नम्बरका एआईजी धिरजप्रताप सिंहलाई आईजीपी बनाउने तयारी गरिरहेका छन् भने गृहमन्त्रीको अडान एक नम्बर बरियताका विश्व पोखरेललाई बनाउनु पर्नेमा रहेको छ ।

प्रधानमन्त्री देउवाले उनिहरुमध्य धिरज प्रताप सिंहलाई आईजीपीमा नियुक्त गर्ने तयारी गरेका थिए तर निर्वाचनको नजिक बरियता मिचेर नियुक्त गर्दा कानुनी समस्यासँग जुद्नु पर्ने देखिएपछि गृहमन्त्री बालकृष्ण खाण, कानुनमन्त्री गोविन्द बन्दी र नेपाली काँग्रेसका अन्य शिर्ष नेताहरुले धिरजको नियुक्तिमा असमर्थन जनाएको बताइएको छ । पोखरेलले सिंहलाई आईजीपी नियुक्त गरे आफुले राजीनामा दिने र सर्वोच्च अदालतमा रिट दिने जानकारी दिइसकेका छन् । त्यसका लागि उनले कानुन व्यवसायीहरुसंग समेत परामर्श गरिसकेका छन् ।सशस्त्रमा भने एआइजी राजु अर्याल एकल दावेदार छन् ।