नेपाल नागरिक उड्डयन प्राधिकरणले बर्षाैदेखि बक्यौता रकम नतिर्ने वायु सेवा कम्पनीहरुलाई कारवाही गर्ने भएको छ । प्राधिकरणले आज एक सूचना प्रकाशित गर्दै बक्यौता रकम भुक्तानी गर्नका लागि पटक पटक पत्राचार गर्दा समेत रकम तिर्न आलटाल गर्ने सात वटा वायु सेवा सञ्चालकहरूलाई कारबाहीको प्रक्रिया अगाडि बढाइएको सूचनामा उल्लेख छ ।
प्राधिकरणले यस अघि यी सात वटा कम्पनीहरुलाई क्यौता तिर्न ताकेता गर्दै २०७७ असोज ७, २०७७ माघ २६ र २०७८ भदौ १२ समेत गरी तीनपटक सार्वजनिक सूचना नै प्रकाशित गरिसकेको जनाएको छ । प्राधिकरणले आज अन्तिम पटक भन्दै निकालेको सूचनामा ७ दिन भित्र वक्यौता तिर्न आउन नेकोन,, शिवानी, गोरखा, माउण्टेन,कस्मिक, स्काईलाइन एयरवेज र एयर काष्ठमण्डप लगायतका कम्पनीलाई चेतावनी दिएको छ । प्राधिकरणले यी सात कम्पनीहरुलाई कालोसूचीमा राखेर कारबाही गर्ने चेतावनी दिएको हो। सूचनामा बक्यौता तिर्न नआएको खण्डमा कालोसूचीमा राख्दै भविष्यमा हवाई सेवासम्बन्धी कुनै पनि कामकारबाही गर्न नदिने र सञ्चालकहरूको बैंक खाता रोक्कादेखि राहदानी रोक्कासम्म गरिने चेतावनी दिइएको छ।

Advertisement 1

नेपाल नागरिक उड्डयन प्राधिकरणका अनुसार, नेकोन, शिवानी, गोरखा, माउण्टेन एयर, कस्मिक, स्काईलाइन र एयर काष्ठमण्डपले सरकारलाई ९ करोड १७ लाख रुपैयाँ बुझाउन बाँकी छ ।

Advertisement 2