नवनियुक्त शाखा अधिकृतहरुको आधारभुत प्रशासनिक प्रशिक्षण आगामी फागुन २ गतेबाट सञ्चालन हुने भएको छ । संघीय मामिला तथा सामान्य प्रशासन मन्त्रालयको सचिवस्तरीय निर्णय गर्दै उनीहरुलाई २ फागुनदेखि तालिमको व्यवस्था मिलाउन भनिएको छ ।
लोकसेवा आयोगको सिफारिसद्धारा खुला प्रतियोगिताबाट शाखा अधिकृतमा नियुक्त भएका ४८८ जना कर्मचारीहरुको नवनियुक्त शाखा अधिकृतहरुलाई प्रशासनिक प्रशिक्षण दिन लागिएको हो । संघीय मामिला तथा सामान्य प्रशासन मन्त्रालयको जनशक्ति,योजना तथा विकास शाखाका अनुसार अधिकृतमा उत्र्तीण भइ नियुक्त भएका नेपाल प्रशासन सेवा,नेपाल परराष्ट्र सेवा,नेपाल लेखापरीक्षण सेवा र नेपाल व्यवस्थापिका संसद सेवाका नवनियुक्त ४८८ जना शाखा अधिकृत वा सो सरहका कर्मचारीहरुका लागि आगामी फागुन २ गतेदेखि आधारभुत प्रशासनिक प्रशिक्षण सञ्चालन गर्न लागिएको हो । यस अघि अधिकृतस्तरका कर्मचारीहरुलाई ६ महिना तालिम दिइदै आएको थियो । यद्यपि अहिले कति महिना तालिम दिने भन्ने बिषयमा केही खुलाइएको छैन ।संघीय मामिला तथा सामान्य प्रशासन मन्त्रालयले यस बिषयमा छलफल भइरहेको जनाइएको छ । छलफलपश्चात तालिम कति महिनाको हुने र कसरी गर्ने भनेर टुंग्याइने जनाइएको छ ।