गत बुधबार बसेको मन्त्रिपरिषद्को बैठकले गरेका निर्णयहरु आज सार्वजनिक गरिएको छ । बैठकले विभिन्न नियुक्ति,सिफारिससहित काजमा खटाउने निर्णय गरेको सूचना तथा सञ्चारमन्त्री ज्ञानेन्द्रबहादुर कार्कीले जानकारी गराएका छन् ।
मन्त्री कार्कीका अनुसार आदीकवि भानुभक्त आचार्यको जन्मस्थल निर्माण विकास समितिको अध्यक्षमा श्रीराम पन्त र कार्यकारी निर्देशकमा शंकर रानाभाटलाई नियुक्त गर्ने निर्णय गरेको छ ।
यस्तै, प्रधानसेनापती आगामी १८ पुसदेखि १२ दिनका लागि अर्थात ३० गतेसम्म घरबिदामा बस्ने भएकाले कायममुकायम प्रधानसेनापतीका कायममुकायम प्रधानसेनापतिको जिम्मेवारी बालाधिकृत रथी बालकृष्ण कार्कींलाई दिने सिफारिस पनि गरिएको छ ।
यस्तै क्याविनेटले कृषि मन्त्रालयका वरिष्ठ कृषि सेवा माटोविज्ञ डा गंगादत्त आचार्यलाई सार्क एग्रिकल्चर प्रोग्राम ढाकामा काजमा खटाइएको छ ।
क्याविनेटले सुर्खेतको साविक लेकफर्सा, काँफलकोट र लेकपराजुल गाविसको जग्गा प्रशासन सम्बन्धी सम्पूर्ण कामकागको जिम्मेवारी मालपोत तथा नापी कार्यालय मेहलकुनालाई हस्तान्तरण गर्ने, सोलुखुम्बुको डा लामाजुरा सडक खण्डको ट्रयाक खोल्न त्यस क्षेत्र अन्तर्गत पर्ने वनको २ दशमलव ५ हेक्टर प्रयोगका लागि पनि मन्त्रिपरिषद्ले स्वीकृति दिनेका साथैं चीन तथा अन्य देशमा चिकित्सा शिक्षामा एमबीबीएस गरेका विद्यार्थीलाई अभ्यास, इन्टर्न लगायत पूरा गर्न स्वीकृति दिने निर्णय गरेको छ । ्
साथै,अस्तिको क्याविनेटले निर्वाचन आयोग सम्बन्धी विधेयक तर्जुमा गर्ने सैद्धान्तिक सहमति पनि प्रदान गरेको छ ।

Advertisement 1