नौकुण्डमा एमालेको क्रेजः काँग्रेस र समाजवादी परित्याग गर्दै एमालेमा
रसुवामा दिन प्रति दिन विभिन्न पार्टी परित्याग नेकपा एमालेमा प्रवेश गर्नेको संख्या बढ्दो छ ।
Advertisement 1
जिल्लामा ठूला संख्याका नेता तथा कार्यकर्ताहरु नेपाली कांग्रेस र एकीकृत समाजवादी पार्टी परित्याग गरी नेकपा एमालेमा प्रवेश गरेका छन । युवा नेता तथा संविधान सभा सदस्य जर्नादन ढकाल अध्यक्षतामा मंगलबार नुवाकोट बट्टारमा पार्टी प्रवेश कार्यक्रममा १९ जना प्रवेश गरेका हुन् । नौकुन्ड गाउँपालिका वडा नं ४ को नेपाली सेनाका सेवा निवृत्त क्याप्टेन महेश डंगोलको नेतृत्वमा नेपाली काग्रेस, जनता समाजबादि तथा स्वतन्त्रबाट नेकपा एमालेमा संगठित भएर अघि बढ्ने प्रतिबद्धताको साथ १९ जना साथीहरु पार्टी प्रबेश गरेको राष्ट्रिय युवा संघ नेपाल नौकुण्ड गापा कमिटी अध्यक्ष सुरेश थोक्राले बताए ।
Advertisement 2
यो भन्दा अगाडी पनि गाउँपालिकामा एमालेको अधिवेशनमा झण्डै १०० को संख्यामा नेता तथा कार्यकर्ताहरुले नेपाली काँग्रेस,समाजवादी र स्वतन्त्र युवाको जमात नेकपा एमालेमा प्रवेश गरेका हुन । त्यस्तै ८ कार्तिक शनिवार सम्पन्न नेकपा एमालेको प्रथम वडा अधिबेशनमा झण्डै २५० को संख्यामा नेता तथा कार्यकर्ताहरुले नेपाली काँग्रेस,समाजवादी र स्वतन्त्र युवाको जमात नेकपा एमालेमा प्रवेश गरेका हुन ।
