अञ्जनकुमार हिमाली

Advertisement 1

गत मंगलबार लमजुङ्गका कांग्रेस, माओबादी केन्द्र , एकीकृत समाजवादी र खासै अस्तित्व मा नरहेको जसपा नेपाल सहितको चारदलले आगामी वैशाख ३० गते हुने स्थानीय तहको निर्वाचनमा एमालेलाई सोत्तर पार्ने भनेर गरेको गठबन्धनले एमालेलाई झन सहज हुने आँकलन गरिएको छ ।

कांग्रेस सभापति डा टकराज गुरुङको संयोजकत्वमा बसेरको बैठकले जिल्लाका सबै वडादेखि नगरपालिकासम्म गठबन्धन गरेर जाने भनेपनि असन्तुष्टिको स्वर सुनिन थालेकाछन् । लमजुङमा खासै संगठन नभएको जसपा र खासै जनाधार नै नभएको नेकपा समाजवादलाई महत्व पूर्ण पद दिन नसकिने केही कांग्रेस नेताहरु बताउँछन् ।
माओवादी केन्द्रको ठूलै जमात एमालेमा छ । गत महिना मात्रै जसपा नेपाल गण्डकी प्रदेश कमिटी कै ठूलो हिस्सा एमालेमा समाहित भयो । लमजुङमा राम्रै जनमत भएका सरोज दनाई, बेलबहादुर सुनार, ठगबहादुर अधिकारी सहितका जसपा नेताहरु एमाले छिरे। ठाउँ ठाउँबाट विभिन्न पार्टी छोड्दै एमाले प्रवेश गर्नेहरूको लामो पंक्तिका कारण पनि यो गठबन्धनलाई सहज छैन । कांग्रेस माओवादी र समाजवादीलाई खासै प्रमुखको पद दिन राजी छैनन ।

Advertisement 2

तर जानकारीमा आएसम्म माओवादी केन्द्रले दोर्दी गाउँपालिका र राईनास नगरपालिकामा प्रमुख ताकेको छ भने नेकपा समाजवादीले सुन्दरबजार नगरपालिकामा प्रमुखको दावा गरेको बुझिएको छ । सुन्दरबजार नगरपालिकामा काग्रेसको मन फाटेन र कारबाहीमा परेका द्वारिका मिश्रलाई फुकुवा गरी मेयरको उम्मेदवार बनायो भने कांग्रेस एक्लैले चुनाव जित्ने अड्कल छ । तर पूर्व माननीय तथा पार्टी सभापति चन्द्रबहादुर कुँवर मार्काहरु यो मान्न तयार छैनन । द्वारिकालाई कसरी हुन्छ ठेगान लगाउनुपर्छ भन्ने पक्षमा छन् मिश्र कै कारण गत निर्बाचन हारेको तुस बद्रीमान श्रेष्ठ।
नेकपा समाजवादी लमजुङका अध्यक्ष तथा पूर्व प्रधानमन्त्री झलनाथ खनालका स्वकीय सचिव रामबाबु अधिकारी सुन्दरबजारको मेयर आफैले पाउनु पर्ने जोडबलमा छन् । उनी त्यही क्षेत्रको भएपनि टुरिस्ट जस्तै हुन । ०५४ सालमा भोटेओडार गाविसको अध्यक्ष भएका लिलाधर सापकोटा एसको भागमा सो नगरपालिका परे उनले पनि दाबी छोड्ने भएनन् । मध्यनेपालमा त कांग्रेसको भद्रगोल नै छ । छेवैमा कास्की जिल्लाको रुपा गाउँपालिका छ धपधप बलेको । त्यसैको सम्मुखमा मध्यनेपाल नगरपालिका छ जुन फुङ्ग उडेको जस्तो देखिन्छ । मेयर रमेश पाण्डेले केही काम गर्न नसकेको भन्दै कांग्रेसी नेता कार्यकर्ताको चरम असन्तुष्टि छ । आनन्द घिमिरे जस्ता लामो समय शिक्षण पेशाबाट अवकाश लिएका शालीन भद्र व्यक्तिले टिकट पाए जित्ने सम्भावना भएपनि शैलेन्द्र घिमिरे, मदनकुमार न्यौपाने लगाएत दर्जन आकांक्षीहरुको भीडमा असल पात्रहरू मिल्किने सम्भावन उत्तिकै छ । भने पाण्डे गण्डकी प्रदेशका सहमहामन्त्री भएको कारण उनले चाहँदासम्म टिकट अन्त जाने कुरा भएन ।

सदरमुकाम बेसीशहरको हालत पनि कम बुरा कहाँ छ र १ समाजवादीले यहाँ उपमेयर ताकेको छ, भने माओबादी केन्द्रले पनि सकभर छाड्ने पक्षमा देखिँदैन । मेयरको लागि कांग्रेसमा मुख मिठ्याउनेहरुमा उपसभापति श्रीकान्त घिमिरे, महाधिबेसन प्रतिनिधि हरिप्रसाद बराल, र बिर्ख गुरुङ छन् । भने उपमेयर माओवादीबाट को भन्ने टुंगो छैन ।
कांग्रेसका जिल्ला सभापति गुरुङ, माओवादी केन्द्र जिल्ला संयोजक मधु अधिकारी गुरुङ, एकीकृत समाजवादीका जिल्ला अध्यक्ष रामबाबु अधिकारी र जसपाका जिल्ला अध्यक्ष गमबहादुर तामाङले संयुक्त विज्ञप्ति जारी गर्दै एमाले भर्सेज चारदल त छन् । जति दल मिलेपनि क्व्होलासोथार र मर्स्याङदीमा एमालेलाई पछार्न कसैको दम नभएको एमालेले जनाएको छ ।