रसुवामा नेकपा एमालेको क्रेज :- काँग्रेस र समाजवादी परित्याग गरी एकै दिन तीन सय व्यक्ति एमालेमा प्रवेश
रसुवा जिल्लाका नेपाली कांग्रेस र जनता समाजवादी पार्टीका प्रभावशाली नेताहरु ठ्रलो संख्यामा नेकपा एमालेमा प्रवेश गरेका छन । हिजो एक कार्यक्रमका बीच झण्डै तीन सयभन्दा बढी संख्यामा नेपाली काँग्रेस,समाजवादी,स्वतन्त्र युवाको जमात नेकपा एमालेमा प्रवेश गरेका हुन ।
नेकपा एमाले रसुवा जिल्लाले आयोजना गरेको जिल्ला स्तरीय कार्यकर्ता भेला तथा चियापान कार्यक्रममा नेकपा एमाले केन्दिय उपाध्यक्ष तथा बागमती प्रदेशको मुख्यमन्त्री अष्टलक्ष्मी शाक्यको प्रमुख आतिथ्यमा उनीहरु सो पार्टीमा प्रवेश गरेका हुन् ।
Advertisement 1
सबैभन्दा बढी नौकुण्ड गाउँपालिकाबाट एमालेमा प्रवेश गरेका छन् । नौकुण्डबाट मात्र १३० जना एमालेमा प्रवेश गरेका छन् । यस्तै आमाछोदिङ्मो गाउँपालिकाबाट ८० जना,गोसाइँकुण्डबाट ४० जना एमालेमा प्रवेश गरेका छन् भने कालिका गाउँपालिका र उत्तरगयाबाट पचास पचास जना गरी कूल ३ सय जना एमाले पार्टीमा प्रवेश गरेका छन् ।
आमाछोदिङ्मो गाउँपालिकाबाट १ नम्बर वडाबाट नेपाली काङ्ग्रेस ,स्वतन्त्र गरि ४२ जना युवाहरू र २ बाट नेकपा माओवादी केन्द्र पार्टी सचिब कर्म तामाङको नेतृत्वमा १० जना पार्टीमा प्रवेश गरेका हुन् । आमाछोदिङ्मो गाउँपालिकाबाट मात्र ८० जना एमाले पार्टीमा प्रवेश गरेका छन् ।
Advertisement 2
नेकपा एमाले रसुवा जिल्ला कमिटि सदस्य तथा अधिबेशन आयोजक कमिटी सदस्य सुरेश अधिकारीका अनुसार,विभिन्न पार्टी परित्याग गरी तीन सय भन्दा बढीको संख्यामा युवाहरु एमाले पार्टीमा प्रवेश गरेको र यस्ले रसुवामा एमाले पार्टीप्रति क्रेज देखिएको जनाए ।
Advertisement 3
कार्यक्रममा बोल्दै रसुवाका पूर्व सांसद जनार्दन ढकालले रसुवामा नेकपा एमाले पार्टी फुटको असर नरहेको बताए । उनले अहिले पनि पार्टी एकतावद्ध रहेको सुनाए । उनले कुनै दिन आफूलाई मन्त्री नबनाउन डेलिगेसन गएको प्रति इन्कित गर्दै जिल्लाबाट जो कोही पार्टीको तर्फबाट निर्वाचित भएर आएको खण्डमा मन्त्री बनाउन आफू लागिपर्ने सुनाए । रसुवामा हिजो पनि पार्टी संस्थापन पक्षमा ९० प्रतिशतभन्दा बढि रहेको र आजको दिनमा पनि जिल्लामा ९९ प्रतिशत नेता कार्यकर्ता नेकपा एमालेमै रहेको दाबी गर्दै नेकफुटको असर शुन्य रहेको सुनाए ।
गत १८ असोजमा संबिधानसभा सदस्य तथा एमाले नेता जनार्दन ढकालको पहलमा आइतवार साँझ एमाले अध्यक्ष केपी शर्मा ओलीसहितका नेताहरुसँग भेट गरी औपचारिक रुपमा पार्टी प्रवेश गरेका थिए। काँग्रेस पार्टी परित्याग गरी दिन प्रतिदिन एमालेमा प्रवेश गर्नेहरुको संख्या बढेपछि नेपाली काग्रेंसलाई ठूलो धक्का पुगेको छ ।
