उद्योग, वाणिज्य तथा आपूर्तिमन्त्री गजेन्द्र हमालले राजीनामाको घोषणा गरेका छन् । गत शुक्रवारमात्र मन्त्रीमा नियुक्त भएका उनले तीन दिनमै राजीनामाको घोषणा गरेका छन् ।
प्रधानन्यायधीश चोलेन्द्र शमशेर जवराको कोटाबाट मन्त्री नियु्क्त भएको भन्दै अहिले प्रधानन्यायधीश राणाको समेत चर्काे आलोचना शुरु भएसँगै हमालले आफूले पदका लागि कहिल्यै राजनीति नगरेको बताउँदै प्रधानमन्त्री शेरबहादुर देउवालाई भेटेर राजीनामा बुझाउन लागेको बताएका छन् ।
लामो समय नेपाली काँग्रेसमा रहेर राजनीति गरेको उल्लेख गर्दै उनले आफू सदैव लो प्रोफाइलमा बसेर मोफसलमै सक्रिय रहेको स्पष्ट पारे ।

Advertisement 1

अघिल्लो साता प्रधानन्यायधीशले समेत मन्त्रिमण्डलमा भाग खोजेको खबर बाहिरियो । जस्लाई सर्वोच्च अदालतले खण्डन गरे पनि मन्त्रिमण्डल बिस्तारमा प्रधानन्यायधीश चोलेन्द्र शमशेर जबराको जेठान हमाललाई समावेश गरिएको थियो । गत शुक्रवार शेरबहादुर देउवा प्रधानमन्त्री बनेको ८८ दिनपछि मन्त्रिमण्डललले पूर्णता पाउँदा गैह्र सांसद हमाललाई समेत समावेश गरिएको छ । नाताले हमाल प्रधानन्यायधीश चोलेन्द्र शमशेर जवराको जेठान हुन ।
न्यायलयले यसरी क्याविनेटदेखि संवैद्यानिक निकायमा समेत भागबण्डा खोजेको भन्दै पूर्व न्यायधीशदेखि कानुनी क्षेत्रबाटै समेत प्रधानन्यायधीश राणाको चर्काे आलोचना शुरु भइरहेको थियो । कानुनी क्षेत्रबाटै प्रधानन्यायधीश राणालाई महाअधियोग लगाउनु पर्नेसम्मको टिप्पणी उठिरहेकै बेला हमालले मन्त्री पदबाट राजीनामा दिएका हुन् ।