कृषि तथा पशुपन्छी विकासमन्त्री घनश्याम भुसालले देश विग्रनुमा राजनीतिज्ञ र कर्मचारीको ठूलो भूमिका रहेको बताएका छन् । नेपाल कृषि अनुसन्धान परिषद् नार्कका व्यवस्थापन तहका अधिकारीहरूसँगको छलफलमा उनले कृषि क्षेत्र प्रदूषित भएकाले यसको शुद्धीकरण आवश्यक रहेको बताए । उनले जिम्मा लिएका कर्मचारीले आफ्नो जिम्मेवारी पूरा नगर्ने प्रवृत्ति हाबी भएको भन्दै काम गर्न नसक्ने हो भने त्यहाँबाट हटिदिनुपर्ने बताए । उनले नार्कमा रहेको वेथिति देख्दा आफूलाई भाउन्न भएको बताउंदै अब त्यसरी नहुने बताए । ‘अब कुर्न सकिदैन, जुनसुकै हालतमा पनि परिणाम चाहिन्छ । ’

Advertisement 1

कार्यक्रममा मन्त्री भुसालले कृषि क्षेत्रमा राजनीतिक हस्तक्षेप रोकिने दाबी गरेका छन् ।उनले आफू कृषि क्षेत्रको चौकिदार भएको बताउँदै कृषि क्षेत्रभित्र गलत काम गर्नेलाई कडा कारबाही गर्ने चेतावनी समेत दिए ।
कसैले यसभित्र पसेर बदमासी गर्न खोज्छ, तपाईंहरूलाई गलत काम गर्न दबाब दिन्छ भने मैले गेटबाटै तह लगाइदिन्छु’, उनले भने, ‘त्यसो भएपछि तपाईंहरूले त प्रभावकारी रूपमा काम गर्नुपऱ्यो नि । तपाईंलाई कसैले अनावश्यक दबाब दिन्छ भने सिधै मलाई भन्नुहोस्, त्यस्तालाई म तह लगाउँछु’, भुसालले भने । यस्तै मन्त्री भुसालले परिणाम देखिने गरी काम गर्न कर्मचारीहरुलाई निर्देशन दिएका छन् । उनले काम गर्न नसक्ने भए छोडेर जान पनि चेतावनी दिएका छन् ।

कार्यक्रममा नार्कका कार्यकारी निर्देशक डा दीपक भण्डारी तथा निर्देशकहरू रामबहादुर केसी, नविन प्रकाश पौडेल र डा। स्वंय प्रकाश श्रेष्ठले नार्कको कार्यपत्र प्रस्तुत गरेका थिए ।