कात्तिक २५ देखि कर्मचारी सरूवा गर्न नपाइने, ट्रेड युनियनको चुनाव मंसिर २७ मा

आगामी २७ मंसिरमा हुन लागेको निजामती कर्मचारीहरुको आधिकारिक ट्रेड युनियन निर्वाचनको कार्यतालिका प्रकाशन भएको छ । प्रमुख निर्वाचन अधिकृतको कार्यालयले निजामती कर्मचारीहरूको आधिकारिक ट्रेड युनियन निर्वाचन, २०७७ को निर्वाचन कार्यक्रम सार्वजनिक गरेको हो ।
प्रमुख निर्वाचन अधिकृतको कार्यालयले मङ्गलवार कार्य तालिका सार्वजनिक गर्दै कात्तिक २५ गतेदेखि निर्वाचन कार्यक्रम नसकिँदासम्म मतदानमा सहभागी हुने कर्मचारीको सरुवा वा काज सरुवा गर्न रोक लगाएको छ ।
जसअनुसार १० मंसिरमा मतदाता नामावली प्रकाशन गर्ने,मतदाता नामावली उपर दावी विरोध गर्ने,मंसिर १३ मा अन्तिम मतदाता नामावली प्रकाशन गर्ने कार्यतालिका रहेको छ भने १४ मंसिरमा मतदाता उम्मेद्धारी दर्ताको कार्यतालिका प्रमुख निर्वाचन अधिकृतको कार्यलयले सार्वजनिक गरेको छ ।
यस्तै मंसिर १५ मा उम्मेद्धारले नाम फिर्ता लिने,सोही दिनमा उम्मेद्धारको नाममा दाबी विरोध गर्ने कार्यतालिका सार्वजनिक भएको छ ।
मंसिर १६ मा उम्मेद्धारको अन्तिम नामावली प्रकाशन गर्ने कार्यतालिका रहेको छ भने मंसिर २७ गते ९ बजेदेखि बेलुका ५ बजेसम्मतदानको कार्यक्रम सार्वजनिक गरिएको छ ।
‘निर्वाचन सम्पन्न नभएसम्म निजामती सेवा ऐन अनुसार ट्रेड युनियनको निर्वाचन सम्बन्धी विनियमावली २०६९ को विनियम १० (१) बमोजिम मतदाता हुने कर्मचारीको कात्तिक २५ देखि सरुवा तथा काज सरुवालगायत कार्य नगर्न नगराउन र सरुवा भइसकेको भए रमाना नगर्न नगराउन अनुरोध गरिन्छ,’ कार्यालय मन्त्रालयहरूलाई पठाएको पत्रमा भनिएको छ ।

प्रकाशित :२०७७ कार्तिक १८, मंगलवार १७:५८

यो खबर पढेर तपाईलाई कस्तो महसुस भयो ?

0%

like

0%

love

0%

haha

0%

wow

0%

sad

0%

angry