प्रदेश नं. २ का एक राज्यमन्त्रीले पदमुक्त भएको एक महिना बितिसक्दा पनि सेवा सुविधा भने लिइरहेका छन्।

Advertisement 1

सरोज सिंह कुशवाहाले आन्तरिक मामिला तथा सञ्चार राज्यमन्त्री पदबाट राजीनामा दिएको एक महिना बितिसक्दा पनि आफूले प्रयोग गर्ने गाडी मन्त्रालयलाई फिर्ता गरेका छैनन्। उनले गत साउन २ गते राजिनामा दिएका थिए। राज्यमन्त्रीको रुपमा रहँदा उनलाई गाडी दिइएको थियो भने उनको निवासमा सुरक्षाको लागि लगाइएको सीसी क्यामेरासमेत फिर्ता गरेका छैनन्।मन्त्रालयबाट पटक पटक ताकेता गर्दा समेत पूर्व राज्यमन्त्री कुशवाहाले ती सामग्रीहरु फिर्ता गर्न अटेर गर्दै आईरहेको ती कर्मचारीले बताए ।

आन्तरिक मामिला तथा संचार मन्त्रालयका सचिव वीरेन्द्र यादवले पनि कुशवाहाले लगेको एउटा गाडि समेत फिर्ता नदिएको जानकारी दिए । यता पूर्वराज्य मन्त्री कुशवाहाले भने राज्यमन्त्रीको पदबाट हटे लगत्तै सम्पूर्ण सामग्री फिर्ता गरेको जिकिर गरे । उनले भने– मन्त्री पदबाट हटे लगत्तै सबै सामग्रीहरु फिर्ता गरेको हुँ । कुनै पनि सामग्रीहरु फिर्ता गर्न बाकी छ भनेर मन्त्रालयले पत्र पठाउनुपर्छ, बाहिर हल्ला गरेर केहि हुनेवाला छैन ।