जिल्लाको नौकुण्ड गाउँपालिकाले सहुलियत पुर्ण कर्जा प्रवाह गर्न ग्लोबल आईएमई बैंक नौकुण्ड शाखासंग सम्झौता पत्रमा हस्ताक्षर गरेको छ। पालिका अध्यक्ष नुर्बु साङ्बो घले र बैंकका शाखा प्रमुख रमेश पनेरुद्वारा सम्झौता पत्रमा हस्ताक्षर गरेको छ ।
नागरिकको आर्थिक तथा समाजिक अवस्थालाई मध्यनजर गरि विभिन्न खाले उद्धमी, साना ब्यबसाय गर्न चाहनेहरुका लागि पालिकाले आवश्यक कर्याविधि बनाई नेपाल राष्ट्र बैंकको नियम अनुसार सहुलियत कर्जा कर्याविधि २०७५ तथा पहिलो संशोधन २०७६ को अधीनमा रहि कर्जा उपलब्ध गराउन सक्ने गाउँपालिकाका उपाध्यक्ष र्सिजना लामाले जानकारी दिएकी छिन् । सरकारले युवालाई स्वदेशमा नै स्वरोजगार बनाउन बिनाधितो सहुलियत कर्जा दिने व्यवस्था गरे अनुरुप सहुलियत कर्जा नीति अन्तर्गत सम्झौता भएको उपाध्यक्ष लामाले बताए।
सरकारले सात प्रकारका कर्जाका लागि अुनदान व्यवस्था गरिए पनि व्यावसायिक कृषि तथा पशुपक्षी कर्जाभन्दा अरु शीर्षकमा कर्जा अपेक्षाकृतरूपमा प्रवाह हुन सकेको छैन।कृषि तथा व्यवसायी कर्जा, शिक्षित युवा स्वरोजगार कर्जा र विदेशबाट फर्केका युवा परियोजना कर्जा दिने व्यवस्था छ। यस्तै महिला उद्यमशीलता कर्जा, दलित समुदाय व्यवसाय विकास कर्जा, उच्च र प्राविधिक तथा व्यावसायिक शिक्षा कर्जा र भूकम्प पीडितको निजी आवास निर्माण कर्जा दिने व्यवस्था छ। मुलुकभर तथा मुलुक बाहिर शाखा सञ्जाल रहेको ग्लोबल आइएमई बैंकले बैंकिङ्ग सेवाको पहुँच पुर्‍याउने उद्देश्यले ७ वटै प्रदेश तथा ७६ जिल्लामा २७३ शाखा, २४२ एटीएम, २५७ शाखा रहित बैंकिङ्ग सेवा, ४७ एक्सटेन्सन तथा राजश्व संकलन काउन्टर तथा ३ वटा वैदेशिक प्रतिनिधि कार्यालयसमेत गरी ८०० भन्दा बढि सेवा केन्द्रबाट ग्राहकवर्गलाई सेवा प्रदान गरिरहेको छ । ‘सबैका लागि बैंक’ भन्ने नाराका साथ बैंकले २२ लाख भन्दा बढि ग्राहकहरू माझ सेवा प्रदान गर्दै आइरहेको छ ।