प्रहरीको भ्यानको ठक्करबाट मोटरसाईकल चालकको मृत्यु
दाङमा प्रहरीको भ्यानले ठक्कर दिँदा एक जनाको मृत्यु भएको छ ।
Advertisement 1
जिल्लाको राप्ती गाउँपालिका २ लालमटियामा लु अ च ५३३४ नम्बरको प्रहरीको भ्यानले बिहीबार राति भे १ प ८४२२ नम्बरको मोटरसाइकललाई ठक्कर दिँदा अन्दाजी २५ वर्षका मोटरचालकको मृत्यु भएको हो ।
मृतक चालकको पहिचान भने खुल्न सकेको छैन । प्रहरीका अनुसार भ्यानसँग ठक्कर खाएपछि मोटरसाइकल बिजुलीको पोलमा ठोक्किएको थियो । बिहीबार राति ११ः५५ बजे प्रहरीको भ्यानको ठक्करबाट अन्दाजी २५ बर्षका युवकको मृत्यु भएको हो । जिल्ला प्रहरी प्रवक्ता डिएसपी मुकुन्द प्रशाद रिजालका अनुसार प्रहरीको उक्त गाडी काठमाडौंबाट जिल्ला प्रहरी कार्यालय बाँकेतर्फ लैजाँदै गरेको अवस्थामा उक्त दुर्घटना भएको हो । इलाका प्रहरी कार्यालय भालुवाङका प्रहरी प्रमुख प्रहरी निरिक्षक भुवन भट्टले मृतकको पहिचान भइ नसकेको प्रहरीले जनाएको छ ।
Advertisement 2
उनले मृतक पुरुष अन्दाजी २५ बर्ष जतिको रहेको अनुमान गरे । मोटरसाईकल प्रहरीको गाडीको ढोका पछाडि ठोक्किँदा उछिट्टिएर बिद्युत पोलमा मृतकको टाउको ठोक्किएको जानकारी दिए । घटनाबारे अनुसन्धान जारी रहेको प्रहरीले जनाएको छ ।
