प्रधानमन्त्री केपी शर्मा ओलीले मन्त्रीमण्डल पुर्नगठन गर्ने भएका छन् । पूर्व राजपा खेमाका ८ मन्त्री र दुई राज्यमन्त्रीलाई जिम्मेवारी दिँदा बिष्णु पौडेललाई उपप्रधानसहित अर्थ मन्त्रालयको जिम्मेवारी दिन लागिएको छ । वालुवाटार स्रोतले जनाए अनुसार रघुविर महासेठलाई उपप्रधान मन्त्रीसहित परराष्ट्र मन्त्रालयको  जिम्मेवारी दिन लागिएको छ । उनको पत्नी जुली महतोको मन्त्री पद खोसिएपछि पुर्तालस्वरुप उनलाई उपप्रधानसहित परराष्ट्र मन्त्रालयको जिम्मेवारी दिएर क्याविनेटमा लान लागिएको हो । । राजेन्द्र महतोलाई उपप्रधानसहित शहरी विकास मन्त्रालयको जिम्मेवारी दिएर सरकारमा भित्राइँदा हाल विनाविभागीयको भूमिकामा रहेका ईश्वर पोखरेलको कुर्सी खोसिने छ । प्रदीप ज्ञवाली पनि घर फर्कनेछन् ।
केही महिना अघि माधव नेपाल खेमा छाडेर ओली क्याम्पमा प्रवेश गरेका शेरबहादुर तमाङलाई स्वास्थ्यमन्त्री बनाउन लागिएको वालुवाटार स्रोतको भनाई छ ।
बिष्णु पौडेल,कृष्ण गोपाल श्रेष्ठ,बसन्त नेम्बाङ,लीलानाथ श्रेष्ठ बाहेक अरु पूर्व एमालेका मन्त्री हटाउन लागिएको वालुवाटारको दावा छ ।