काठमाडौं। जेन जेड राजनीतिकर्मी अमिषा पराजुलीले प्रहरीमाथि लगाएको अभिव्यक्तिसम्बन्धी विषयमा नेपाल प्रहरीको साइबर ब्युरोले स्पष्टीकरण प्रक्रिया अघि बढाउँदै उनको परिवारसँग छलफल गरेको जनाएको छ।

Advertisement 1

ब्युरोका अनुसार पराजुलीले सार्वजनिक कार्यक्रममा आफूले उजुरी दिन जाँदा अपमानजनक व्यवहार भोग्नुपरेको भन्दै दिएको अभिव्यक्तिपछि विषयले औपचारिक ध्यानाकर्षण गराएको थियो। सोही क्रममा ब्युरोले उनको आमालाई कार्यालयमा बोलाएर घटनाबारे बुझ्ने काम गरेको बताइएको छ।

ब्युरोद्वारा जारी विवरणअनुसार आमासँगको बुझाइमा सम्बन्धित आरोपलाई पुष्टि हुने गरी प्रहरी कर्मचारीबाट आपत्तिजनक शब्द प्रयोग नभएको भनाइ आएको उल्लेख छ।

यसै क्रममा छोरीको अभिव्यक्तिका कारण संस्थागत छविमा परेको असरप्रति क्षमा माग्दै आमाले लिखित रूपमा माफी व्यक्त गरेको पनि ब्युरोले जनाएको छ।