२४ घण्टा नबित्दै लुम्बिनी प्रदेशको सांसदहरु नाटकीय रुपमा परिवर्तन भएका छन् ।
हिजो नेकपा एमालेका लुम्बिनी प्रदेशको प्रमुखमा पुन शंकर पोखरेल नियुक्त भएसँगै क्याम्प चेञ्ज गरेका त्यहाँका धर्मबहादुर लाल श्रीवास्तव र अजय शाही २४ घण्टा नबित्दै पूरानै घर फर्किएका छन् ।
एमालेकै धर्मबहादुरलाल श्रीवास्तव (कपिलवस्तु) र अजय शाही (पश्चिम नवलपरासी) ले हिजोमात्र एमाले छाडी मुख्यमन्त्री बिरोधी क्याम्पमा हस्ताक्षर गरेका थिए ।
यी दुबै जना हालका स्वास्थ्यमन्त्री हृदयेश त्रिपाठी र बृजेशकुमार गुप्ताको नेतृत्वमा एमालेको सूर्य चिन्हअन्तर्गत बिजयी भएका थिए । यी दुई सांसद शंकर पोखरेललाई छाडेपछि स्वास्थ्यमन्त्री हृदयेश त्रिपाठी प्रधानमन्त्री केपी ओलीसङ्ग बिच्किएको रुपमा चर्चा गरिएको थियो । तर नाटकीय रुपमा २४ घण्टा नबित्दै उनीहरु पूरानै घर फर्किएका छन् । त्रिपाठी संघीय सरकारको मन्त्री रहेको अवस्थामा उनीनिकट प्रदेशका दुई सांसद माओवादीतर्फ लागेपछि दबाबमा परेका थिए।

Advertisement 1

२४ घण्टा नबित्दै क्याम्प चेञ्ज गरेका शाहीले आफ्नो समूहका माथिल्लो तहका नेताबाट दबाब आएपछि मुख्यमन्त्रीलाई समर्थन गर्न बाध्य भएको प्रतिक्रिया दिएका छन् ।

Advertisement 2

तर उनीहरुले आफूहरू एमाले संसदीय दलमै प्रतिबद्ध रहने स्पष्ट पारेका छन्।
आजै उनीहरुले संयुक्त विज्ञप्ति निकाल्दैं आफूहरूको समर्थन मुख्यमन्त्री शंकर पोखरेललाई रहेको प्रष्ट पारेका छन्।