नेपाल कम्युनिष्ट पार्टी एमाले रसुवा काठमाडौं सम्पर्क मञ्चको अध्यक्षमा जनक देवकोटा चयन भएका छन् । देवकोटाको ५० को दशकताका रसुवा जिल्लाका चर्चित अनेरास्ववियूका नेता हुन् । उनले त्यस समयमा अनेरास्ववियू,रसुवाका कमाण्ड गरेका थिए । पार्टीमा घात र अन्तरघातको श्रृंखलाहरु चलिरँहदा उनी सम्पर्क मञ्चको कमाण्ड सम्हाल्न आइपुगेका हुन् ।
शनिवार राजधानीमा आयोजित एक भेलाका बीच अध्यक्षमा जनक देवकोटा चयन भएका हुन् । देवकोटाको अध्यक्षतामा नयाँ कार्यसमिति गठन भएको छ ।
बाग्मति प्रदेश सम्पर्क समन्वय कमिटिका अध्यक्ष रामप्रसाद रिमालको प्रमुख आतिथ्यमा सम्पन्न सो भेलामा नेकपा एमालेको केन्द्रीय सदस्य तथा रसुवा जिल्ला इञ्चार्ज माधव अर्याल,नेकपा एमाले रसुवा जिल्लाका सचिव शिव लामिछाने लगायतका नेताहरुको उपस्थितीमा  भएको सो भेलाबाट उपाध्यक्षको जिम्मेबारी श्याम बलुनलाई सुम्पिइएको छ भने सचिवमा नबिन देवकोटासहित ३५ सदस्यीय मञ्च गठन भएको छ । सह सचिव र कोषाध्यक्ष त्यही ३५ सदस्यहरुबाट चयन गरिने युवा संघ रसुवाका नेता लक्ष्मण घिमिरेले जानकारी दिनुभयो ।
उक्त भेलाबाट बागमती प्रदेश सम्पर्क कमिटीमा श्याम बुलुन,दीपक गजुरेल र जितमान तामाङले रसुवाको प्रतिनिधित्व गर्ने निर्णय भएको छ ।