काठमाडौं। नेपाली बजारमा मंगलबार पनि सुनको मूल्य घटेको छ। मंगलबार प्रतितोला २६ सय रुपैयाँले घट्दै सुनको मूल्य प्रतितोला १ लाख ४८ हजार ७ सय रुपैयाँ कायम गरिएको छ।

Advertisement 1

यसअघि सोमबार सुनको कारोबार १ लाख ५१ हजार ३ सय रुपैयाँका दरले भएको थियो। सरकारले आइतबार भन्सार दर परिवर्तन गरेपछि सोमबार सुनको मूल्य प्रतितोला १५ हजार ९ सय रुपैयाँले घटेको थियो।

नेपाल सुनचाँदी व्यवसायी महासंघका अनुसयार यसअघि कार्तिक १५ गते सुनको मूल्य नेपाली बजारमा हालसम्मकै उच्च १ लाख ७१ हजार रुपैयाँका दरले कारोबार भएको थियो।

Advertisement 2

मंगलबार चाँदीको मूल्य प्रतितोला २५ रुपैयाँ घटेको महासंघले जानकारी दिएको छ। अघिल्लो दिन प्रतितोला १८ सय ४५ रुपैयाँका दरले कारोबार भएको चाँदीको मूल्य मंगलबारका लागि प्रतितोला १८ सय २० रुपैयाँ तोकिएको छ।