काठमाडौं। असारको पहिलो कारोबार दिन आइतबार नेपाली बजारमा सुनको मूल्य १६ सय रुपैयाँले बढेको छ। नेपाल सुनचाँदी व्यवसायी महासंघले जेठ मसान्तको तुलनामा आइतबार सुनको मूल्य बढेको जानकारी दिएको हो।

Advertisement 1

आइतबारका लागि छापावाल सुनको मूल्य प्रतितोला १ लाख ४२ हजार ८ सय रुपैयाँ तोकिएको छ। यसअघि जेठ मसान्त अर्थात शुक्रकार छापावाल सुनको मूल्य प्रतितोला १ लाख ४१ हजार २ सय रुपैयाँका दरले थियो। आइतबारका लागि तेजावी सुको मूल्य प्रतितोला १ लाख ४२ हजार १ सय रुपैयाँ तोकिएको छ।

यसअघि शुक्रबार तेजावी सुनको मूल्य प्रतितोला १ लाख ४० हजार ५ सय रुपैयाँ रहेको थियो। आइतबार चाँदीको मूल्य प्रतितोला १ हजार ८२० रुपैयाँ तोकिएको छ।

Advertisement 2

यसअघि जेठ २५ गते नेपाली बजारमा सुनको मूल्य १ लाख ४५ हजार रूपैयाँ प्रतितोलाको नयाँ उचाइमा पुगेको थियो।