विगत छ महिनादेखि शिक्षक सेवा आयोगमा पदाधिकारी नियुक्त हुन सकेको छैन् ।
सिफारिस भएको दुई महिना बित्दासमेत आयोगमा पदाधिकारी नियुक्त नहुँदा सम्पूर्ण काम ठप्प छ । पदाधिकारी नहुँदा प्राथमिकदेखि माध्यमिक तहसम्मका करिब १२ हजार नयाँ शिक्षक पदपूर्तिको विज्ञापन रोकिएको छ । दुई हजार सात सय शिक्षक बढुवा हुन पाएका छैनन् । आयोगका अनुसार रिक्त भएका शिक्षक अधिकांश प्राथमिक तह छन् ।

Advertisement 1

शिक्षक सेवा आयोगका प्रशासकीय प्रमुख दिनेश श्रेष्ठले भने, “दैनिक प्रशासनिक काममा मात्र व्यस्त हुँदै आएका छौँ । ” नियुक्ति, बढुवा र स्थायी अध्यापन अनुमतिपत्र वितरणका कार्य ठप्प भइदिँदा आयोगका कर्मचारी फुर्सदिला बनेका छन् ।

लोक सेवा आयोगका तत्कालीन अध्यक्ष उमेश मैनाली, शिक्षा, विज्ञान तथा प्रविधि मन्त्रालयका तत्कालीन सचिव गोपीनाथ मैनाली र त्रिभुवन विश्वविद्यालयका उपकुलपति प्राडा धर्मकान्त बाँस्कोटा रहेको सिफारिस समितिले शिक्षक सेवा आयोगका अध्यक्ष र दुई सदस्यको नाम सिफारिस गरेको थियो ।

Advertisement 2

आयोगको अध्यक्षका लागि नेपाल सरकारका पूर्वसचिव मधु रेग्मी र सदस्यमा शिक्षा सेवाका पूर्वसहसचिव डा डिल्लीराम रिमाल र शिक्षक नन्दकुमारी महर्जनको नाम सिफारिस गरिएको थियो ।