प्रधानमन्त्री निवास बालुवाटारमा मन्त्रिपरिषदको बैठक सुरू भएको छ। विहान ९ बजेबाट मन्त्रिपरिषदको नियमित बैठक सुरु भएको हो ।

Advertisement 1

मन्त्रिपरिषदको आजको बैठकमा दुई सचिव बढुवा हुने छन् । सिफारिस समितिले रिक्त दुई सचिव पदका लागि चार जना वरिष्ठ सहसचिवको नाम सिफारिस गरेको छ । प्रशासन तर्फ डा. दामोदर रेग्मी र प्राविधिक तर्फ अर्जुन जङ्ग थापाको अनिवार्य अवकाशसँगै रिक्त हुन आएको सचिव पदमा चार जना वरिष्ठ सहसचिवको नाम सिफारिस गरेको छ ।

प्रशासन तर्फ रिक्त एक सचिवका लागि राधिका अर्याल हाल लुम्बिनी प्रदेश सरकार, मुख्यमन्त्री तथा मन्त्रिपरिषद्को कार्यालय राप्ती उपत्यका (देउखुरी), की कायम मुकायम प्रमुख सचिव छिन्, चूडामणि पौडेल कर्णाली प्रदेश सरकार, मुख्यमन्त्री तथा मन्त्रिपरिषद्को कार्यालय, वीरेन्द्रनगर, सुर्खेतमा कायम मुकायम प्रमुख सचिवमा कार्यरत छन् । तेस्रो नम्बरमा सिफारिस परेका डा. हरिप्रसाद लम्साल शिक्षा, विज्ञान तथा प्रविधि मन्त्रालयमा कार्यरत छन् । यी तीनमध्ये एक जनालाई सचिवमा बढुवा हुनेछन् । त्यस्तै प्राविधिक तर्फ ज्येष्ठतामा विश्व बाबु पुडासैनीको नाम सिफारिस गरिएको छ ।

Advertisement 2

त्यस्तै एकै पटक पाँच दर्जन हाराहारी सहसचिव र तीन दर्जन बढी उपसचिवको सरुवाको तयारी गरेको छ । संघीय मामिला तथा सामान्य प्रशासन मन्त्रालयको अनुसार ५८ जना सहसचिवको सरुवा सूची प्रधानमन्त्री तथा मन्त्रिपरिषद्को कार्यालयमा पठाइसकिएको छ । सङ्घ, प्रदेश र स्थानीय तहमा कार्यरत सहसचिवहरूलाई सरुवा सूची सामान्यबाट प्रधानमन्त्री तथा मन्त्रिपरिषद्को कार्यालयमा पुगेको छ । आजै बस्ने मन्त्रिपरिषद्को बैठकले सरुवाको निर्णय गर्नेछ ।

उता गृह मन्त्रालयले झण्डै तीन दर्जन बढी उपसचिवहरुको सरुवाको तयारी गरिरहेको छ । गृहले अवधि पुगेका विभिन्न जिल्लाका प्रमुख जिल्ला अधिकारीसहितका निजामती कर्मचारीको सरुवा तयारी गरेको छ । गृहले ४० हाराहारी उपसचिवहरूको सरुवा तयारी गरिरहेको जनाइएको छ ।