पछिल्ला समय स्थानीय तहमा खटिएका कर्मचारीहरु विभिन्न गैरकानुनी र अश्लिल धन्दामा मुछिने सिलसिला बढेपछि त्यसमा लगाम लगाउने कोशिस गरेको छ । त्यसका लागि स्थानीय तहमा खटिने कर्मचारीका लागि छुट्टै आचारसंहिता बनाउने तयारी गरिरहेको संघीय मामिला तथा सामान्य प्रशासन मन्त्रालयले जनाएको छ ।  मन्त्रालयले स्थानीय तहमा खटिने प्रमुख प्रशासकीय अधिकृतसहितका कर्मचारीहरुका लागि छुट्टै आचारसंहिता जारी गर्ने तयारी गरेको हो ।

Advertisement 1

संघीय सरकारका प्रतिनिधिका रुपमा स्थानीय तहमा खटिएका प्रमुख प्रशासकयि अधिकृतहरु भ्रष्टाचार र अनियमितता काण्डमात्र होइन कि पछिल्लो समय यौनजन्य अश्लिल हर्कतमा मुछिएपछि त्यसमा लगाम लगाउने तयारी स्वरुप अलग्गै आचारसंहिता निर्माण गर्ने गृहकार्य भइरहेको सामान्य प्रशासनले जनाएको छ ।

पछिल्लो  एक महिनामै चार हाकिम यौन काण्डमा मुछिएका छन्,जसमध्ये एक कैद भुक्तमान गर्दैछन्,अर्को हिरासतमा कोचिएका छन् । बाँकी दुइलाई सामान्य प्रशासनको ‘अतिरिक्त समूह’ थन्काइएको छ । सामान्य प्रशासनको बादर्ली यस्तै बदनाम हाकिमहरुलाई थन्काउने थलोमा रुपान्तरण भएको छ ।

Advertisement 2

घरमा काम सघाउने युवतीमाथि यौन शोषण गरेको प्रमाण भेटिएपछि इञ्जिनियर हरिकुमार पोखरेल अहिले प्रहरीको चिसो सिढिमा पुगेका छन् । मध्यपहाडी लोकमार्ग आयोजनाका निर्देशक इञ्जिनियर पोखरेललाई काठमाडौं जिल्ला अदालतले जर्बजस्ती करणी मुद्धामा पुर्पक्षका लागि थुनामा पठाइसकेको छ । यद्यपि उनको जागिर गइसकेको छैन । हालै भौतिक मन्त्रालयले गरेको सरुवामा श्रेष्ठको दरबन्दी सडक विभाग,पुलमा तानिएको छ ।

दुई साता अघि चितवनस्थित जिल्ला तथ्यांक कार्यालयका हाकिम यज्ञमूर्ति भण्डारीको कर्तुत छरपष्ट भयो । ३५ बर्षीया कार्यालय सहयोगीलाई पटक पटक यौन शोषण गरेको,गर्भ बसेपछि गर्भ फाल्नका लागि अनावश्यक दबाब दिएको रहष्य बाहिरियो । क्लिनिकमा गर्भ फाल्ने क्रममा अत्याधिक रक्तश्राव भए पछि थप उपचारका लागि भरतपुर अस्पतालमा पु¥याइएसँगै यज्ञमुर्तीले पटक पटक यौन शोषण गरेका र गर्भ बसे पछि गर्भ पतनका लागि दबाब दिँदा अहिले उनी प्रहरी कष्टडीमा छन् ।

झापास्थित दमक नगरपालिकाको प्रमुख प्रशासकीय अधिकृत डमरु निरौलाले नगरपालिकाको क्वार्टरभित्रै एक डिभोर्सी महिलासँग मदिरामा लठ्ठ भएर चुम्बन गरेको भिडिओ सामाजिक सञ्जालमा छरपष्ट भएसँगै २४ साउनदेखि बरण्डामा पुगेका छन् । डमरुको ठाउँमा सामान्यले उपसचिव गणेशराज कार्कीलाई खटाएको छ । इलामको माइजोगमाइ गाउँपालिकाको लेखा अधिकृत रेश्मा राईसँग कार्यकक्षमै ‘रोमान्स’ गर्ने प्रमुख प्रशासकीय अधिकृत काजीमान राई सामान्यकै जगेडामा छन् । लेखा अधिकृत रेश्मा कार्यालयको सम्पर्कमा नरहेको पालिकाले जनाएको छ । उनी स्थानीय तहकै कर्मचारी भएको कारण स्थानीय सरकारले नै कारवाही गर्ने सक्ने सामान्य प्रशासनले जनाएको छ ।यसरी पछिल्लो महिना दिनमै दुई जना स्थानीय तहका प्रमुख प्रशासकीय अधिकृत यौनकाण्डका कारण बदनामी खेपेर अहिले सामान्य प्रशासनको कौसीमा थन्काइएकाछन् ।

यसरी संघबाट खटिएका कर्मचारीहरु विभिन्न अनैतिक र अश्लील हर्कतमा मुछिने क्रम बढेपछि मन्त्रालयले अलग्गै आचारसंहिता जारी गर्न लागेको जनाएको छ । सो को गृहकार्य भइरहेको सामान्य प्रशासनका सहसचिव सुमन दाहालले जनाएका छन् ।नैतिक र पदीय सीमा बिर्सिने कर्मचारीलाई सचेत गराउने गरी आचारसंहिता निर्माण गर्ने काम भइरहेको सामान्य प्रशासन मन्त्रालयले जनाएको छ ।