तीन जिल्लाका सिडिओको सरुवा
गृह मन्त्रालयले तीन जिल्लाको प्रमुख जिल्ला अधिकारी (सिडिओ)को सरुवा गरेको छ । मन्त्रालयले शुक्रवार सल्यान,काभ्रेपलाञ्चोक र झापाको प्रमुख जिल्ला अधिकारीको सरुवा गरेको हो ।
गृहले काभ्रेपलाञ्चोकका प्रमुख जिल्ला अधिकारी श्रवण तिमिल्सिनालाई झापाको प्रमुख जिल्ला अधिकारीमा बनाएर पठाएको छ । झापाको प्रमुख जिल्ला अधिकारी उदय रानालाई महावाणिज्यदुत बनाउने उद्धेश्यका साथ परराष्ट्र मन्त्रालयमा सरुवा गरेपछि झापामा प्रमुख जिल्ला अधिकारी पद रिक्त रहन पुगेको थियो । यसैगरी काभ्रेको प्रमुख जिल्ला अधिकारीमा सल्यानका शिवकुमार शर्मालाई ल्याइएको छ ।
Advertisement 1
सल्यानको प्रमुख जिल्ला अधिकारीमा भने गृह मन्त्रालयका हेमराज तामाङलाई लगिएको छ ।
प्रकाशित :२०७७ भाद्र १३, शनिबार ११:३०
यो खबर पढेर तपाईलाई कस्तो महसुस भयो ?
0%
like
0%
love
0%
haha
0%
wow
0%
sad
0%
