नक्कली अख्तियारको दुई कर्मचारी प्रहरीको फन्दामा
अख्तियारको कर्मचारी हौँ भन्दै धम्की दिएर व्यापारीहरूसँग रकम असुल्ने दुई व्यक्ती प्रहरीको फन्दामा परेका छन् ।
Advertisement 1
धनुषाको हंसपुर नगरपालिका ३ का ३७ वर्षीय अनिल सिंह र सोही ठाउँका ३२ वर्षीय राहुल सिंहलाई धनुषा प्रहरीले पक्राउ गरेको हो । अख्तियारको कर्मचारी हौं, पसलका कागजातहरू देखाउनुस्, नत्र पसल सिल गर्छौं भन्दै धाक धम्की दिएर रुपैयाँ असुलेको उनीहरुमाथि आरोप छ ।
जनकपुरधाम उपमहानगरपालिका ७ भ्रमपुरा चोकस्थितबाट उनी दुबै जनालाई पक्राउ गरिएको जिल्ला प्रहरी कार्यालय धनुषाले जनाएको छ । प्रहरीका अनुसार जनकपुरका ७ वटा पसलबाट नगद रुपैया असुलेका थिए । पक्राउ परेका दुबै जनालाई जिल्ला अदालतबाट ५ दिनको म्याद थप गराएर थप अनुसन्धान तथा कारवाही अगाडी बढाएको प्रहरीले जनाएको छ ।
प्रकाशित :२०८० भाद्र २०, बुधबार ०९:४५
यो खबर पढेर तपाईलाई कस्तो महसुस भयो ?
0%
like
0%
love
0%
haha
0%
wow
0%
sad
0%
