७ लाख ६३ हजार बराबरको सामान बरामद
सशस्त्र प्रहरी बल नेपाल नम्बर ११ गण रौतहटले ७ लाख ६३ हजार ४ सय बराबरको सामान बरामद गरेको छ । सशस्त्र प्रहरी रौतहटले आज करिब ९ः५० र १० बजेको समयमा मोबाईल एयरपर्ड, लत्ताकपडा र कस्मेटिक सामान बरामद गरेको हो ।
Advertisement 1
रौतहट यमुनामाई गाउँपालिका गौर चपुर सडकखण्डको बमनहर ईलाकाबाट सवारी साधन चेकजाँच गर्ने क्रममा गौरबाट काठमाण्डौतर्फ जाँदै गरेको ना ४ ख १४६३ नम्बरको यात्रुबाहक बसको डिक्कीटमा लुकाई छिपाई अबैध रुपमा भन्सार छली लैजादै गरेको अवस्थामा बरामद गरेको सशस्त्र प्रहरी नम्बर ११ गणले जानकारी दिएको छ ।
Advertisement 2
मोबाईल एयरपर्ड ३९४ थान ६ लाख ८९ हजार ५ सय र अन्दाजी १० बजे गौर चपुर सडकखण्डको दालमिल ईलाकामा गौरबाट काठमाण्डौतर्फ जाँदै गरेको बागमती प्रदेश ३ ००१ ख २५७४ नम्बरको यात्रुबाहक बसको डिक्कीमा लत्ताकपडा र कस्मेटिक सामान रु ७३ हजार ९ सय बराबरको बरामद गरेको छ । उक्त सामान आवश्यक कारबाहीको लागि गौर भन्सार कार्यालयमा बुझाएको सशस्त्रले जानकारी दिएको छ ।
