अञ्जनकुमार ।

Advertisement 1

चुरिफुरी चानचुन थिएन । काठमाडौं आउजाउ नै हेलिकप्टरबाट । होटेलमै हेलिप्याड । तर पर्यटन बिभागले होटेलमा हेलिप्याड राख्न नपाउने भनेपछि दरबार होटेल वरिपरिका दशौ पक्की घरहरु चर्को मुल्यमा खरिद गरि हेलिप्याड निर्माण गरे । भन्नेहरुले उनलाई बाग्लुङको मुखेश अम्वानीको उपमा दिन्थे । उनी अरु कोही नभएर केपी ओलीका बिश्वास पात्र ढोरपाटन नपा बागलुङका मेयर देवबहादुर नेपाली ।

मेयर कमरेड देवबहादुर नेपालीका काण्ड एक कहानी अनेक अहिले बागलुङको भीरपाखा भरि पोखिएका छन् । ०६० सालअधि मोटो मशालका नेपाली ०६२ को जनआन्दोलन लगत्तै प्रचण्ड माओवादी बने । सिधै प्रचण्डको किचन रिलेशनमा रहेका उनले बागलुङका पुराना, युद्धमा लागेका दु:ख भोगेका माओवादी नेता कार्यकर्तालाई माखो जत्ति पनि ठानेनन् । प्रचण्डको निकट उनले जिल्लाका माओवादीलाई बाइपास गरि २०७४ को स्थानीय निर्वाचनमा माओवादीबाट टिकट लिन खोजेपनि जिल्ला नेताहरूको दबाबपछि टिकट नपाएका नेपाली एमाले प्रवेश गरेको थिए । एमालेका कयौं नेताहरुको असहमतिका बाबजुद पनि अध्यक्ष केपी ओलीकै जोड्बलमा टिकट पाए । ७० प्रतिशत भन्दाबढी दलित समुदायको बाहुल्य रहेको ढोरपाटनमा राम्रै मतले चुनाव दुईदुई पटक जितेका मेयर संचालक रहेको इमेज सहकारीको कारण भगवान जस्तै ठानिएका नेपालीको अहिले इमेज डामाडोल बनेको छ ।

Advertisement 2

सरिता राना मगरसँग प्रेम बिबाह गरेका गरेका नेपालीले ढोरपाटन तिब्बेटियन क्याम्प कि छेलासँग सम्बन्ध बनाउन थालेपछि जेठी श्रीमती रानालाई हेलाँ गर्न थाले । पोखरामा बस्दै आएकी सरिता रानाले झन्डै पाँच करोड भन्दा बढी ढुकुटीको रकम गडबड गरेको भन्दै मुद्दा चलेपछि राना पनि सम्पर्क बिहिन भइन । उता तिब्बती शरणार्थी मितको बैनीसँग पल्केका नेपालीले मितिनी बैनीलाई बेहुली बनाए । मितेनी बैनीसँगको चक्करले जेठी श्रीमतीसगको सम्बन्ध पारपाचुकेमा पुगेर टुंगियो । श्रीमानसँग सम्बन्धबिच्छेद छोराको मोटरसाइकल दुर्घटनामा मृत्युले बिक्षिप्त बनेकी रानाको ढुकुटी काण्ड सर्वोच्च अदालतसम्म आइपुगेको बताइन्छ । पोखरामा ६० करोड र बागलुङमा १ अर्व ३० करोड जति बचतकर्ताको रकम हिनामिना गरेको आरोप लागेका नेपालीको सम्पत्ति काठमाडौं पोखरा बाग्लुङमा गरि अथाह छ । काठमाडौं बागलुङ र पोखरामा आलिशान कर्मा कम्प्लेक्स, बागलुङको बुर्तिवाङमा दरवार होटेल चितवनमा र काठमाडौंमा करोडौं पर्ने जग्गा भएका नेपालीले पोखरा महानगरमा गएर एउटा ६ महिनाभित्र सबै बचतकर्ताको रकम तिरी सक्ने भनेर सहमतिको कागज गरे । त्यही सहमति स्वरूप बागलुङ फर्किएका मेयरलाई बागलुङका बचतकर्ताले घेराबन्दी गरि तुरुन्तै पैसा फिर्ता गर्न दबाब दिएपछि जीउँ ज्यानको असुरक्षित महसुस गरेका नेपाली फरार भए जो अहिलेसम्म सम्पर्कमा छैनन् । उता नेपालीका कान्छो छोरो सुरेशलेपनि गतिलो मति लिएनन ।

चेक बाउन्सदेखि मोटर ग्यारेजमा समेत पैसा नतिरेपछि मुद्दा खेपेका उनी पनि फरार नै छ्न । प्रहरीले सहकारीका संचालक सदस्य रहेका चित्रबहादुर भण्डारी र कर्मचारी भर्खर कि लालमती रोकालाई पक्राउ गरेको छ । कर्मचारी रोका मेयरको कोर पर्सन मा पर्छिन । भन्नेहरु तालाचाबीनै उनको हातमा भएको बताउँछन् । अन्य सञ्चालकको खोजी कार्य जारी रहेको प्रहरीको भनाइ छ तर इमेजको संचालक नै फर्जी भएको बताइन्छ । बागलुङ बजारमा मुख्य कार्यालय रहेको यो सहकारीका साहु मेयर नेपालीको हाइफाई देख्दा कुनै कोणबाट पनि कम्युनिस्ट नलाग्ने एक नेता बताउँछन् । एमाले अध्यक्ष केपी ओलीको निकट मानिएका उनलाई ओलीको संरक्षक रहेको बताउने पनि गरिएको छ । भुटानी शरणार्थी प्रकरणमा समेत बागलुङमा नेपालीको चर्चा हुने गरेको छ ।

उनी श्रीमतीलाई लिएर बिदेश छिरेको भन्दै गर्दा कान्छी श्रीमती छेलाले पनि सम्बन्ध बिच्छेद गरेको भन्ने हल्ला चलेको छ । इमेज सहकारीको संस्थापक अध्यक्ष समेत रहेका ढोरपाटन नगरपालिकाका प्रमुख देवकुमार नेपाली जेठ पहिलो सातादेखि फरार भएका हुन ।