एकाएक जाग्यो ललिता निवास प्रकरण : ४०६ विरुद्ध पक्राउ पूर्जी जारी
नक्कली भुटानी शरणार्थी प्रकरणमा हाइप्रोफाइलवालालाई जेलमा कोचेर सफलता हात पारेको सरकारले ललिता निवास जग्गा प्रकरणमा हात हालेको छ । प्रहरीको केन्द्रीय अनुसन्धान व्युरोले सरकारी कागजात र प्रमाणहरु केरमेट तथा कीर्ते गरी बालुवाटारस्थित ललिता निवासको ११३ रोपनी जग्गा व्यक्तिको बनाउने प्रकरणमा सुक्ष्म अध्ययन भइरहेको जनाएको छ ।
Advertisement 1
ललिता निवासको ११३ रोपनी सरकारी जग्गा कीर्ते गरेको अभियोगमा ४०६ जना विरुद्ध पक्राउ पूर्जी जारी भएको छ। जिल्ला अदालत काठमाडौंबाट अनुमति लिँदै नेपाल प्रहरीको केन्द्रीय अनुसन्धान ब्युरोले उनीहरु विरुद्ध पक्राउ पुर्जी जारी गरेको हो।
सीआईबीले मंगलबार भानभटेनी सुपरमार्केटका सञ्चालक मीनबहादुर गुरुङ, निर्वाचन आयोगका पूर्वआयुक्त सुधीरकुमार शाहसहित ७ जनालाई पक्राउ गरेको थियो। तीन जना कर्मचारीहरु छुटेका छन् । यो प्रकरणमा भाटभटेनी सञ्चालक मीनबहादुर गुरुङ, मालपोत कार्यालय डिल्लीबजारका तत्कालीन कर्मचारीद्वय,गोपालप्रसाद कार्की र पूर्वनिर्वाचन आयुक्त तथा सुधीर साहलाई अदालतमा म्याद थपका लागि लगिएको हो।
Advertisement 2
ललिता निवासको एक सय ४३ रोपनी सरकारी जग्गालाई व्यक्तिको नाममा कायम गर्ने क्रममा भएको किर्तेमा हदम्याद नलाग्ने नेपाल प्रहरीले दाबी गरेको छ । नेपाल प्रहरीको केन्द्रीय अनुसन्धान ब्युरो (सीआईबी) ले पत्रकार सम्मेलन गरी नयाँ मुलुकी ऐन जारी हुनुअघिकै अवस्थाको कानुनका आधारमा मुद्दा दायर हुने बताएको हो । पुरानो कानुनअनुसार मुद्दा चलाउँदा हदम्याद नलाग्ने प्रावधान रहेको प्रहरीको भनाइ छ ।
पक्राउ परेकाहरूलाई सीआईबीले मुलुकी ऐन २०२० अनुसार सरकारी लिखत कीर्तेमा मुद्दा चलाउने र यसका लागि हदम्याद लागू नहुने बताएको छ। ब्युरोका अनुसार जग्गा फिर्ता गर्ने २०९ जना, पशुपति टिकिन्छा गुठीको नाममा जग्गा दर्ता गरेका ११० जना, छुट जग्गा दर्ता गर्ने १३ जना, निवास परिसर विस्तार सट्टापट्टा तथा शोधभर्ना गर्ने ७४ जना रहेका छन् ।
