मेलम्ची पानी बाँड्न नसक्दा शाक्य बर्खास्त, कार्कीले सम्हाले सिईओको पदभार
काठमाडौं उपत्यका खानेपानी लिमिटेडको प्रमुख कार्यकारी अधिकृत सिइओमा ज्ञानेन्द्रबहादुर कार्की नियुक्त भएका छन् ।
Advertisement 1
विहिबार बसेको सञ्चालक समितिको बैठकले कार्कीलाई प्रमुख कार्यकारी अधिकृत सिइओमा नियुक्त गरेको हो । प्रमुख कार्यकारी अधिकृतको बहिर्गमनको माग राखी आन्दोलन भएको एक बर्षपछि प्रमुख कार्यकारी अधिकृत ई.मिलन कुमार शाक्यलाई पदमुक्त गराई कार्कीलाई केयूकेएलको प्रमुख कार्यकारी अधिकृत नियुक्त गरेको हो । २०७९ असार १ गतेदेखि केयूकेएलमा क्रियाशील चारवटा ट्रेड युनियन र संस्थान तथा सरकारी सवारी चालक एसोसिएसनले प्रमुख कार्यकारी अधिकृतको बहिर्गमनको माग राखी आन्दोलन गर्दै आएका थिए ।
खुल्ला प्रतिस्पर्धाबाट नियुक्ति नभएसम्म प्रमुख कार्यकारी अधिकृत ई.मिलन कुमार शाक्यलाई पदमुक्त गरी बरिष्ठतम उप कार्यकारी अधिकृत ज्ञानेन्द्र बहादुर कार्कीलाई प्रमुख कार्यकारी अधिकृत पदमा नियुक्त गरेको केयूकेएल सञ्चालक समितिले जनाएको छ ।मेलम्चीको पानी वितरण प्रभावकारी बनाउन नसकेपछि बोर्डले मिलन शाक्यलाई बर्खास्त गरेको हो । शाक्यको कार्यकाल चार बर्ष थियो । यसरी नियुक्त कार्यकारी अधिकृतको कार्यसम्पादन जाँच गर्ने, निरन्तरता वा बर्खास्त सम्वन्धी निर्णय लिने अधिकार बोर्डलाई छ ।
Advertisement 2
मेलम्चीको पानी थपिएपछि काठमाडौले खानेपानीको अभाव महसुस गर्नुपर्ने अवस्था थिएन । तर शाक्य नेतृत्वको केयुकेएलले उपत्यकामा पानी वितरण प्रभावकारी गर्न सकेन ।
