राष्ट्रपति चुरे–तराई मधेस संरक्षण विकास समितिले कार्यान्वयन इकाई लम्कीले शनिबार नवौँ चुरे संरक्षण दिवस मनाएको छ । समिति र सम्बन्धित निकायले कैलालीको कैलारी गाउँपालिका–६ मा जनचेतनाका विभिन्न कार्यक्रम गरी यो दिवस मनाएको हो ।
कैलालीको कैलारी गाउँपालिका–६ मा मनाइएको सो दिवसका अवसरमा विभिन्न समूहले जनचेतनामूलक साँस्कृतिक प्रतियोगितामा भाग लिएको कार्यान्वयन ईकाई लम्कीका प्रमुख हरिबंश आचार्यले जानकारी दिए । सो प्रतियोगितामा नमूना समूह प्रथम, मौसम समूह द्धितिय र शीतल समूह तृतीय भएका थिए ।
प्रतियोगितामा प्रथमलाई रु। ५ हजार, द्धितीयलाई ३ हजार र तृतीय भएको समूहलाई २ हजारले पुरस्कृत गरिएको थियो । कैलारी गाउँपालिका–६ का वडाध्यक्ष प्रेमबहादुर चौधरीको प्रमुख आतिथ्यमा भएको कार्याक्रमको अध्यक्षता कार्यान्वयन ईकाई लम्कीका प्रमुख हरिबंश आचार्यले गरेका थिए ।

Advertisement 1

राष्ट्रपति चुरे संरक्षण विकास समिति लम्की क्षेत्र हेर्ने बोर्ड सदस्य समेत रहेका भेषराज आचार्यका अनुसार उपराष्ट्रपति रामसहायप्रसाद यादवले ननवलपरासीमा बृक्षारोपण अभियानको सुरुवात गरेका थिए । तर लामो समयदेखि परेको खडेरीका कारण सचेतनामूलक कार्यक्रम गरी लम्कीमा सो दिवस मनाइएको कार्यान्वय ईकाई कार्यालय लम्कीले जनाएको छ ।
सरकारले २०७१ साल असार २ गते सो समिति गठन गरेको थियो । राष्ट्रपति चुरे संरक्षण कार्यक्रम सरकारको प्रकृति संरक्षण र सम्वर्द्धधन गर्ने उद्देश्य लिएको एक राष्ट्रिय गौरवको आयोजना हो । स्थापनाको दिवसका अवसरमा ‘चुरेको माटो चुरेलाई, सफापानी सबैलाई’ भन्ने नारा उल्लेख गरिएको थियो ।
नेपालमा पूर्व इलामदेखि पश्चिम कञ्चनपुरसम्म ३७ वटा जिल्लामा कुल भू–भागको १२ दशमवलव ७८ प्रतिशत क्षेत्रमा फैलिएर रहेको अत्यन्त संवेदनशील र कमजोर अवस्थाको चुरे पहाड तराई मधेसको अस्तित्वसँग अन्योन्याश्रित सम्बन्ध राख्दछ ।