अबैध मोबाईल पार्टससहित मोटरसाईकल नियन्त्रणमा

सिरहा जिल्लाको सिरहा नगरपालिका २० छोटकी टोलस्थित सीमा ईलाकाबाट ५ लाख ८२ हजार ८ सय रुपैयाँ बराबरको मोबाईल र मोबाईलका पार्टसहरुसहित एउटा मोटरसाईकल जेठ २४ गते नम्बर ७ गण हे।क्वा सिरहाले नियन्त्रणमा लिएको छ ।

Advertisement 1

प्रदेश ०१–००४ प ३६१६ नम्बरको पल्सर मोटरसाईकलमा राखी भारतबाट अबैध रुपले नेपालतर्फ आउँदै गरेका व्यक्ति सशस्त्र प्रहरीलाई टाढैबाट देख्नासाथ सामान र मोटरसाईकल सोही ठाउँमा छाडी फरार भएपछि नियन्त्रणमा लिएको हो । नियन्त्रणमा लिईएको सामान तथा मोटरसाईकल आवश्यक कारवाहीको लागि सिरहा भन्सार कार्यालय माडरमा बुझाईएको छ ।

Advertisement 2

अबैध रुपमा ल्याउँदै गरेको सामानसहित सवारीसाधान नियन्त्रणमा रौतहट जिल्लाको यमुनामाई गाउँपालिका ४ स्थित भित्रि सडकखण्डबाट १ लाख ५७ हजार २ सय रुपैयाँ बराबरको लत्ताकपडासहित एउटा म्याजिक भ्यान जेठ २१ गते सशस्त्र प्रहरीले नियन्त्रणमा लिएको छ । गौरबाट चपुरतर्फ जाँदै गरेको ना १ ज ७१०९ नम्बरको भ्यानलाई सुरक्षा वेश फतुहाले चेकजाँच गर्दा विलविजक नभएको उल्लेखित मुल्य बराबरको लत्ताकपडा बरामद गरिएको हो ।

बरामद लत्ताकपडा तथा भ्यान गौर भन्सार कार्यालय रौतहटमा बुझाईएको छ ।

प्रकाशित :२०८० जेष्ठ २९, सोमबार ०८:५२

यो खबर पढेर तपाईलाई कस्तो महसुस भयो ?

0%

like

0%

love

0%

haha

0%

wow

0%

sad

0%

angry