रसुवा जिल्लाका ५ स्थानीय तहलाई सङ्घीय सरकारबाट रु १ अर्व १६ करोड ५४ लाख अनुदान बजेट विनियोजन भएको छ । जिल्लाका पाँच गाउँपालिकालाई सङ्घीय सरकारले आर्थिक वर्ष २०८०÷८१ का लागि बजेट बाँडफाँट गरेको हो ।

Advertisement 1

पाँच गाउँपालिकामा सबैभन्दा बढी यो बर्ष नौकुण्डले पाएको छ भने सबै भन्दा कममा यो बर्ष आमाछोदिङ्मोले पाएको छ । नौकुण्ड गाउँपालिकालाई रु २६ करोड ९२ लाख बजेट विनियोजन गरिएको छ । कालिका २५ करोड ४ लाख, गोसाइँकुण्ड २१ करोड ९० लाख, उत्तरगया २५ करोड २ लाख, आमाछोदिङमो १७ करोड ६६ लाख विनियोजन भएको छ ।

सोमबार अर्थमन्त्री डा. प्रकाशशरण महतले आगामी आर्थिक वर्ष २०८०/८१ का लागि १७ खर्ब ५१ अर्ब ३१ करोड रुपैयाँको बजेट सार्वजनिक गरे । अर्थमन्त्रीले सार्वजनिक गरेको बजेट अनुसार अन्तर सरकारी वित्तीय हस्तान्तरणमा ४ खर्ब ८ करोड ७० लाख रूपैयाँ विनियोजन गरिएको छ । जुन ७ वटा प्रदेश र ७ सय ५३ वटा स्थानीय तहमा जाने छ । स्थानीय तहलाई २ खर्ब ९५ अबै २ करोड, २ लाख र प्रदेशलाई १ खर्ब ५ अर्ब ६ करोड ६८ लाख हस्तान्तरण हुनेछ ।

Advertisement 2

सबैभन्दा धेरै गाउँपालिकालाई गएको छ । ४ सय ६० गाउँपालिकालाई सरकारले १ खर्ब ४३ अर्ब ६ करोड ३९ लाख वित्तीय हस्तान्तरण गरेको हो । गाउँपालिकालाई समानीकरण अनुदान ४३ अर्ब ६५ करोड १० लाख, सशर्त अनदान ९० अर्ब ८४ करोड ६२ लाख, विशेष अनुदान ४ अर्ब ६५ करोड ३४ लाख गरी र समपुरक ३ अर्ब ९१ करोड ३३ लाख गरी १ खर्ब ४३ अर्ब ६ करोड हस्तान्तरण भएको हो ।