यहि जेठ १७ गतेदेखि ललितपुरमा प्रथम जुत्ता चप्पल व्यापार मेला सुरु हुने भएको छ । ‘नेपाली उत्पादनको प्रवर्द्धन, हाम्रो अभियान’ भन्ने नारासहित असार १७ गतेसम्म चल्ने गरी व्यापार मेला आयोजना हुने भएको हो । नेपाली जुत्ता चप्पल उत्पादक समूहको आयोजनामा उक्त व्यापार मेला ललितपुरको जाउलाखेल खेल मैदानमा एक महिना सम्म हुनेछ ।

Advertisement 1

मेलाले आर्थिक मन्दीतर्फ उन्मुख नेपालको अर्थतन्त्रलाई समेत चलायमान बनाउन सहयोग पुग्ने तथा जुत्ता र चप्पलको उत्पादन र बिक्री वितरणमा जोड दिने अपेक्षा आयोजकको छ । फुटवेयर क्षेत्रका वारेमा धेरै चर्चा, परिचर्चा, छलफल र बहसहरु निरन्तर भइरहेको आयोजकको भनाई छ । फुटवेयर क्षेत्र जुत्ता चप्पलको क्षेत्रमा देशलाई आत्मनिर्भर बनाउन सक्षम रहेको समेत बताइएको छ । मेलामा ३ हजार भन्दा वढि मोडल र डिजाइनका जुत्ताहरु उपलव्ध हुने आयोजनकले जनाएको छ । त्यस्तै आयोजका अनुसार मेलामा नेपाली र गुणस्तरीय उत्पादन रहनेछन् । नयां उत्पादनहरु उक्त मेलामा लञ्च गरिनेसमेत आयोजकले बताएको छ ।

त्यसैगरी मेला अवधि भर विषेश छुटको व्यवस्था गरिएको छ । न्युनतम २० प्रतिशत देखि कतिपय उत्पादनहरुमा ५० प्रतिशत सम्म छुटको व्यवस्था मिलाएको आयोजकले जनाएको छ । मेला विहान ९बदेखि वेलुकी ७ बजेसम्म खुल्ला रहने आयोजले जनाएको छ । आयोजका अनुसार उक्त मेलामा नेपालमा स्थापित चर्चित जुत्ता चप्पल उत्पादक कम्पनी र व्राण्डहरु किरण शुज म्यानुयाक्चर्सको उत्पादन गोल्डस्टार, रोयल शु इण्डष्ट्रिजको उत्पादन रोयल शुज, वेश फुटवेयरको उत्पादन वि।एफ डियर हिल र वि।एफ स्पोर्ट, लालिगुराँस फुटवेयरको क्रस रोड शुज, शुभकामना फुटवेयरका फस्टवाक शुज, नमस्ते फुटवेयरको सिल, सुरभि पोलिमर्सको हाई लाईफ, केटिएम शुजको केटिएम, डि.जे. शुज कम्पनीको डि.जे.शुज गरि ९ वटा कम्पनी र व्राण्डहरुको सहभागिता रहनेछ ।

Advertisement 2

मेला अवधिभरमा ३ लाख अवलोकन कर्तालाई अवलोकन गराउने लक्ष्य आयोजकले राखिएकोछ । त्यस्तै मेला अवधिभरमा ५ करोडको कारोवार गर्ने लक्ष्य राखेको छ।