जिल्ला प्रहरी कार्यालय डोल्पामा कार्यरत एक प्रहरी निरीक्षकले  प्रहरी हवल्दारमाथि कुटपिट गरेका छन्।

Advertisement 1

प्रहरी निरीक्षकले नविन चापागाईंले सल्यानको शिद्धकुमाख गाउँपालिका वडा नम्बर ३ स्थायी घर भएका ३७ वर्षीय प्रहरी हवल्दार हरि आरसी माथि कुटपिट गरेका छन्।हवल्दार आरसी जिल्ला कारागार डोल्पामा कार्यरत छन्। यो घटना शनिबार बिहान करिब ११ बजेको हो।

आरसीको बायाँ आँखा, नाक र मुखमा गहिरो चोट लागेको छ।
‘मलाई जिल्ला प्रहरी कार्यालयभित्रै बोलाएर प्रहरी निरीक्षक चापागाईंले कुटपिट गर्नु भयो,’ उनले भने, ‘मलाई बायाँ आँखा हेर्न गाह्रो भइरहेको छ, नाक पनि दुखिरहेको छ।’
हवल्दार आरसीको जिल्ला अस्पताल डोल्पामा सामान्य उपचार गरिएको छ। थप उपचारका लागि आइतबार उनी बाँकेको नेपालगञ्ज जाने तयारीमा छन्।

Advertisement 2