मुलुकको प्रमुख प्रशासकीय सिंहदरबारका सामान्य,अर्थ,गृह लगायतका मन्त्रालयमा दर्जन बढी सहसचिवले काम नपाइ रहँदा दुर्गम कर्णालीमा भने एकै पटक चार मन्त्रालय महिनौदेखि सचिवविहिन अबस्थामा चलिरहेका छन् ।

Advertisement 1

कर्णाली प्रदेशमा एकै पटक चार सचिव पद रिक्त हुँदा कार्यसम्पादनमा गम्भीर असर परेको छ । कर्णाली प्रदेशमा १० जना सचिवको दरबन्दी रहेकोमा अहिले एकै पटक चार जना सचिवविहन अबस्थामा मन्त्रालयहरु चलिरहेको कर्णाली प्रदेश सरकारले जनाएको हो । कर्णाली प्रदेश सरकारका अनुसार अहिले त्यहाँको प्रदेश लोकसेवा आयोग कर्णाली,आन्तरिक मामिला तथा कानुन मन्त्रालय,मुख्यमन्त्री तथा मन्त्रिपरिषद्को कार्यालयका सचिव र भौतिक पूर्वाधार, ऊर्जा तथा जलस्रोत मन्त्रालय सचिवविहन अबस्थामा चलिरहेका छन् ।
हालैमात्र प्रदेश लोकसेवा आयोगका सचिव नारायणप्रसाद भट्टराईको सरुवा भएर भएर यातायात व्यवस्था विभागमा गएसँगै प्रदेश लोकसेवा रिक्त हुन पुगेको छ । यस्तै
आन्तरिक मामिला तथा कानुन मन्त्रालयका सचिव दिनेशसागर भुसाल गोरखाको प्रमुख जिल्ला अधिकारीको रूपमा गए पछि महिना दिनभन्दा बढी समयदेखि उक्त मन्त्रालय पनि रिक्त हुन पुगेको छ । यस्तै, मुख्यमन्त्री तथा मन्त्रिपरिषद्को कार्यालयका सचिव प्रेमप्रसाद आचार्यको र भौतिक पूर्वाधार, ऊर्जा तथा जलस्रोत मन्त्रालयका सचिव प्रेम भट्टको सरुवा भएसँगै एकै पटक चार सचिव रिक्त हुन पुगेको हो ।

कर्णालीमा अहिले सचिवका रुपमा आनन्द सारु,शंकर बहादुर के सी (कानुन),श्याम कृष्ण थापा,सन्त बहादुर सुनार,मोहनदेव जोशी,लेखराज दाहाल र देवराज निरौला सचिवका रुपमा बहाल छन् ।
सिंहदरबारका अधिकांश मन्त्रालयमा सहसचिवहरु जगेडामा थन्काइएको छ । उनीहरु काम र कुर्सी समेत नपाएर हाजिर लगाउने र घर फर्किने गर्दै आएका छन् । उता दुर्गम कर्णालीमा भने एकै पटक सात चार सचिव पद रिक्त हुन पुगेको छ ।
सचिवहरू मन्त्रालयका कामहरूमा अग्रसर हुनुपर्ने र विकास निर्माणले तीव्रता पाउनुपर्ने समयमा एकै पटक चार सचिव रिक्त हुँदा कर्णाली प्रदेश समस्यामा परेको प्रमुख सचिव डा गोपीकृष्ण खनाल सुनाउँछन् ।